Nu Saltha Ciammam! A Darling Cu Mipi Lei Dir Ding Bak In A Lem Khawh Ko!

Nurse a ttuan lio mi Nungak te nih a darling asi mi Ralkap pa cu Mipi lei dir ding in a lem khawh caah an mah Ralkap chung minung nih biatak tein an umnak an hlat, an kawl hna ti asi. Hi Nute hi a facebook account ahcun Nyein tiah aa tuah. A darling pa hi Defense Service Academy (DSA) 59 ah tlamtling tein ralbawi sinak a dih mi a si tiah an langhter.

Ni Nungak nute nih hin a luancia caan ah khan “Keimah cu Nu ngeihter lei a ttuan mi Sayamah ka si. Keimah duh tein vote ka pek mi Cozah (NLD) lawnglawng hi ka zumh i Cozah puitling ah ka pom. Cu caah kan ram thatnak ding caah tiah CDM a tuah mi, Nurse le Doctor, Cozah rianttuan tu dihlak he ka dir ti, an mah bantuk in CDM ka tuah ve. Ralkap nih Cozah thar an ser mi hi zeitin hmanh in ka pom kho lo” tiah a rak langhter.

Atu lio hi an mah Ralkap chung in a thli tein mipi lei ah a dir mi a um ngai ti asi. Cu caah Ralkap nupi le Ralkap bawi mirum deuh nih ” “Investigative Department Of Watermelons- ဖရဲသီးနှိမ်နှင်းရေး” timi social media page le Telegram Channel an ser i Ralkap chung in mipi lei ah a dir ti mi paoh heh tiah an langhter hna.

Atu kan lak ter mi Ralkap le Nungak nute zong hi, Mipi lei an dirnak facebook catar, an hmanthlak vialte an tar, Ralkap an kan rawi tu an si hih, rak kawl hna uh, nan hmuh nak paoh ah that hna uh tiah an tarlangh mi asi. Note: Hi thawngpang hi an ram ralkap lei nih a thli tein an tuah mi “Investigative Department Of Watermelons- ဖရဲသီးနှိမ်နှင်းရေး” timi chung ah kan lak mi asi.