Nu Pawl An Chia-Tha Thli Thup In Video Le Hmanthlak Kong Ah Germany Nih Phungthar An Ser

Germany parliament pawl nih French le Britist ram chung le Europe ram dang hna ah a lar ngai mi thil pakhat, nu pawl an I theih lo kar ah a thli thup in an chia-tha video le hmanthlak an si lengmang mi kong ah lungrethei ngai in meeting an tuah hna I hi bantuk thil hi Europe ram chung nu nih an ton nak hnga lo ding ah kan theih mi paoh cu tangka or a tlawmbik kum 2 chung thongthlak si cang hna seh tiah an fehter khawh.

Germany acozah nih hi phungthar an ser mi hi July 3, 2020 ah khan an fehter mi a si I mi pakhat khat nih nu pakhat cu a theih lo kar ah a chia-tha, a bawngbi chung nawh pawl hman a thlak le video a thlak a si ah cun cu hmanthla tu pa cu tangka ceilak liamter asiloah, kum 2 chung thongthlak siseh tiah an fehter hi si.

Hi kong he pehtlai in Vuanci Christine Lambrecht nih a chim ve mi cu mi pakhat khat nih nu pakhat cu a theih lo karah a chia-tha hman a thlak le video a thlak mi hi nu nih a ngeih mi pumpak zalon nak le a covo buar a si caah cu bantuk hmanthlak le video thlak a hmang mi hna cu ceilak in tangka liamter ansiloah cun kum 2 chung thongthlak bak ding an si ko lai tiah a chim ve.

Smart phone thatha a chuah hnu in zapi tlonlen nak hmun ah a thli thup in nu pawl hi an chia-tha hmanthlak le video thlak (Upskirting) hi vawlei cung ah a lar bik mi a si ve cang. Hi bantuk in hman an thlak hna nak hmun hi zapi tlonlen nak hmun, shopping kal nak le public toilet pawl ko ah hin an tam khun tiah an langhter.

Source: Akon Thi

 

 253 total views,  1 views today

This function has been disabled for Chin 11 News.