Nu Palek A Tuanmi Zong Raltuk Ve Dingin Min Aung Hlaing Nih Nawl A Chuak Than

Min Aung Hlaing nih a hruaimi ralkap bu pawl nih thawngthar an chuah than, tihnung kho taktak khi a si cang. Palek rian a tuan mi nu pawl vialte zong raltuknak ah nan kal lai tiah ca an chuah cang i an umnak hmun ah an kuat dih cang hna tiah theih a si. CDM a lut rih lomi palek nu vialte hna a ran khawhchungin CDM ah lut uh tiah a lenglei in forhnak bia an cah ve hna. Crd… Zaw myo

Relchap:Ralhrang nih phungbuar zau in Nu ralkap pawl cu raltu ding in nawl a pek hna tiah CDM tuahmi ralkap nih dirhmi ”mipi ralkap” (People’s Soldiers) nih a phuan.

Ralhrang phu nihcun ”PDF nih an kan kah tik ah Battalion kip in ready te’n um ding in an ralhrang pawl cu nawl an pek hna i Nu ralhrang zong hriamnam tlaih in raldoh ding ah nawl chuah asi” tiah People’s Soldiers nihcun a langhter.

Cun Nu ralhrang pawl raltuk ding in hman a timhmi hi raltuk phung buar a si caah nu ralhrang nih an al hrimhrim awk a si ti zong an langhter chih.

Cu lawng siloin ram pumpi huap in inn hlangmi cazin lak hna i a ran khawh chung in cunglei ah kuat ding timi nawl zong an chuah. Hi kong hi anmah ralhrang chung thirhri(ceenaan) chung in nawl an chuahmi asi tiah CDM tuahtu ralkap nih dirhmi ”Mipi ralkap ”( People’s Soldiers) nihcun a langhter.TCP