Nu Le Va Hi Tha Tein A Hal I Thlacamnak He A Thium Mi A Then Mi An Tampi, Nu Le Va Hna Tla Loin A Um I Zungzal A Daw Mi An Tampi Ko

Pastor nih kut a suih piak mi Nu le Va zong an i tthen mi an tampi!
========
An tleirawl lio i, an i uar mi an si i khua theih, Peng theih, sunglawi taktak in min lar Pastor nih kut a suih piak mi Nu le Va zong an i tthen mi an tampi. Nu le pa khuakhan nak in parcel in an kuat i, a hmun a phak tik ah an ruah ban tuk a si lo caah, lung rawh bu tein, Khrihfa upa thlacam piak nak he an i tthitum mi zong, caan dongh tiang an kal mi an tampi.

Nu le pa nih an hnatla lo tuk nain, an pahnih an i duh tuk caah tlik le zaam in an i umtti mi nuva hna zong an i tthen tthan mi an tampi. Ruah lopi in an i ton i, boruak nih a ser piak caah an i um mi, nupa hna zong i tthen bak lo in caan a dih tiang vawlei nun an hman mi an tampi ve.

Cu caah, nu le va chungkhar an i dirhnak ah, a hramthok i, i tthitum ning nakin an i umtti hnu i, an pahnih nupa nun a dongh Ning tu kha a biapi dueh ko. Poi tuahlo in an i um mi nupa an va si zong ah, an i umnak Silver jubilee, Golden jubilee, Diamond jubilee kha Pathian sin ah Thlacam bu tein an lawmh khawh ahcun a tluk tu a um lo. Credit: Savang Khawtlaih

I RALRIN DING; The Lairam Times nih ngandamnak kong kan rak thlahmi hi tulio ah a chuahtam ngaimi zawtnak Scrub Typhus timi zawtnak phun a si caah thathnemhnak a um sual ah tiah ai rem aa tlak ning kan rak leh i thlah chinmi a si.

SCRUB TYPHUS ZEIRUANGAH A CHUAH; Orentia Tsutsugamushi tiah auh mi hrik fa tete sehnak, mit hmuh khawh lomi (Bacteria) in a chuakmi zawtnak, hi hrik fa tete, mithmuh khawh lo thrik sehnak (Bacteria) hi thingkung (dum hau thingram hna), saram (tahchunhnak – Uico, Chizawh, zu tibantuk) i a benhmi, thil hme tete (mites) hrik, uihrik, cep fa tete, tibantuk in thakza nak he a chuahter, Hi thil hme tete (Mites) nih minung a seh tikah a sehnak hmun in siivai ai telmi zawtnak siivai ngei rungrul kha taksa chung ah an lut, cu tikah zawtnak cu a thawk.

ZAWTNAK UMTU NING; Zawt caan a sau lai, rihzaan ah dam lionak in na rit deuh lai, na lufak lai, na pawfak lai, na luakchuak lai, khuh in thawchuah nai harh lai, na taksa ningin a fak lai. A chel caanah na mit maw/mal lai, taksa cu cuar cung ah a bo in a sen tete (Rash) an chuak lai, siibawi hna nih Typhus tiah dengteo in an chimh khawh nakhnga cu hrik nih sehnak hmuhma ah a sen mi le a dukmi bantuk hmun a um lai, cucu Eschar tiah auh a si.

(hi Eschar timi na hmuh ahcun Typhus cu a mah he a pehtlaimi sii pek ahcun a dam bak) hrik nih sehnak pawnghrawng zong ah a um kho ( Lymph nodes) zawtnak a zualtuk ahcun thluak phin zawtnak (encephalitis), tangfah zawtnak, cuap phin zawtnak (pneumonia) hna in nunnak a liam kho mi zawtnak a si.

ZEI TI’N DAH KAN I ȚHLOP LAI; Țhlopnak sii hmuh hlan ah zawtnak a ngeimi zatuak 4-40% an nunnak a liam i, sii an hmuh hnu ahcun zawtnak in minung zatuak 2% an nunnak a liam tiah cazin ah an langhter. I țhlopnak sii cu Doxycycline, Chloramphenicol, Azithromycin,. tibantuk hna an si.

ZEI BANTUK SINAH DAH A CHUAH TAM; Dumhau ah rianțuan mi, tisik-anhnah a cingmi, inn zuat sațial he naihniam tukin a ummi hna sinah a chuahțam khun.

TAKPUM KHOI KA ZAWN AHDAH ESCHAR HMUH A ȚAM; Taksa chunglei ah (tahchunhnak – țaang, angki chungnawh țang paw le pang lei zunnak thilri, vangkar/kar kalak, paw hna ah hmuh a tambik. Cucaah zawt kuah sau ahcun zei bantuk sii hmanh nih a damh lo ahcun Typhus a si kho maw tiah (mizaw cu nawlhal in) a takpum dihlak cu zohfel in Eschar a um le um lo kawl a hau.

ZEI TI’N DAH I RUNVEN NING A SI; 1. Uihrik, hrik fa tete (Pyphus) a um khawhnak hmun ah kal lo ding. 2. Țhingkung, ramkung umnak ah kal ding na si ahcun țhilpuan hrukaih ýha te’n i thuam ding. 3. Thilri hrukaih hna cu a hninghno mi ah bah lo ding, ( a si khawh ahcun a hninghno mi pawng ah chiah lo ding)

4. Ihnak dal hna cu țhiang te’n tuah ding (buar phengphung pi’n chiah lo ding, zu nih umhmun a khuar nakhnga lo) hrik a um nakhnga lo siihang (Spray) in țhianhnak tuah ding. 5. Inn zuat sațil arva caankel in țhianhhlimh ding.
6. Pumpak taksa i thianhhlimh daithlan lo ding. 7. Typhus zawtnak bantukin na um sual ahcun nangmah he a naihniamnak sii-inn ah kal le siibawi sinah i zohter a tha. Credit: The Lairam Times

Be the first to comment

Leave a Reply

Your email address will not be published.


*