Nu le Pa Nih Zamtak Mi Fa Cu An I Cawmkeng I Cu Pa Te Nih Cun An I Ruahchan Bello Mi Thil A Tuahpiak Hna

Philippines ram ah a um mi Javi kum 28 pa cu a hngakchiat lio ah a hringtu a nu le a pa nih an zohkhenh huam lo caah an zamtak i a mahte lawng an chiah tak.

Javi hi kum 3 lawng a si caah an khua pawl nih ngaktah pawl umnak ah chiah an timh i, nuva hna pahnih Tatai timi te nupa nih fa ah an i lak i an i cawm.

Javi a laak tu hna nuva Tatai te nih cun mihar sa an si nain Javi caah hin siang lomi an nei lo an fapa bantuk taktak zoh in an zoh.


A pa Tatai cu Hotel pakhat ah innka cawngtu a si i, a nu cu bazar ah mehhang zuar in Javi cu an cawm . An harsa ngai nain nikhat ah voihnih rawl ei ding kan neih ah cun kan chungkhar kan i nuam tuk ko tiah a pa Tatai nih cun a chim.

Javi cu a nule pa nih tha tein an zohkhenh caah catang sangpi a awng i zohchunhtlak ngaingai ah a chuah. Javi cu sianginn a dih in Company ah kum 7 chung felfai tein rian a tuan hnuah manager ah a hung cang.

Javi nihcun a hngakchiat lio i a zohkhenh tu a nu le a pa cungah a lawm tuk i, an i ruahchan ngam bel lomi inn tha taktak a sak piak hna. Zei tluk hmanh in ka lawmhnak hi chim ning law a tlinh lai lo, ka nunchung ah an ka dawtnak hi ka cham kho hna lai lo a ti.

 43 total views,  1 views today

This function has been disabled for Chin 11 News.