Nou Camp Ah Teinak An Hmuh Hnu In C Ronaldo Nih Messi He An Karlak Sining A Chim!

Nou Camp i teinak an hmuh hnu ah Cristiano Ronaldo nih Messi he an karlak fiang taktak in a chim. Messi hi zeitik hmanh ah ka zuamcawh bello, Team caah ka si khawh chungin ka zuam hi a si tiah a ti.

“Messi hi zuamcawh bantuk in ka zoh bel lo. A team caah a si khawh chungin a zuam i, kei zong cu bantuk cu ka si. A mah zong hal ve u law ka chim bantuk in a chim ve ko lai a ti. I pehtlaihnak tha tuk kan ngei peng a ti.

” A hlan ka chim bantuk khan, a mah hehin kum 12,13,14 chung cu lawmman laksawng kan dong hi kan i chawng peng. Bawlung ahhin cu thathawhnak hi a herh ve caah, mipi nihhin aa zuamcawhmi ah an kan tuah tawn i a si” tiah Ronaldo nih Messi he an karlak dirhmun a chim.

Kum 12 chungah Ronaldo le Messi hi bawlung pumpak cawimawinak laksawng sangbik Ballon d’Or an lak peng i, kumkhat lawnglawng hi, mah laksawng hi, midang kuat ah a phan. A dang vialte hi cun an mah pahnih kut ah a phan dih i, a lak an i chawng hi a si.