North Korea Supreme Leader Kim Jong-Un Kong Ah Salai Lairamthang Nih Fianter Nak A Tial Mi

N.Korea Supreme Leader Kim Jong-Un kong hi tulio ah a buai ngai ve mi pakhat a si. Hi kong hi China channel pakhat zong nih a thi cang tiah a rak langhter ve nain cheukhat nih cun a thi thai rihlo nain a zawtning cu a zualhma ngai ko tiah an rak langhter cio ve. Hi kong he pehtlai in kan Laimi chung in catial thiam le mipi nih a ca tial mi kan relhuam ngai mi Salai Lairamthang nih a tanglei hi a rak tial mi a si.

North Korea Supreme leader, Kim Jong-un cu alung operation tuahnak in lungfim thai loin um sehlaw dawh. Cucaah Tuluk sibaw hna nih va chanchuah dingah an va zuan hnawh tiah the daily mail nih a tial. Tuluk news ahcun a thi ti tiang in an thanh. Asinain Japan news nih cun alung operation an tuahnak ah lunfim loin a um i a thluak riantuan ti lo” tiah an tial.

Kim Jong-un cu apu, Kim Il-Sung chuah ni ah a chuah khawh lo caah a phunphun in ruahnak a chuak. Mah puai hi North Korea ahcun an sunhsak bikmi puai a si caah atu bantuk in a bau ruangah aho poah an ar har cio. April 12 hnu in ahohmanh nih an hmu kho ti lo.

Kim Jong-un a thih sual ahcun a farnu, kum 31 lawng a si rihmi nu, Kim Yo-jong, nih a rian a chan lai tiah thawngpang a chuak. An unau in Switzerland ram ah 1996 in 2000 tiang singinn an rak kai bal an ti.

Catialtu: Salai Lairamthang

 1,129 total views,  2 views today

This function has been disabled for Chin 11 News.