North Korea Ram Hruaitu Kim Jong-un Nih Cun An Ram Ralkap Cungah Lawmhnak Bia A Chim

North Korea ram hruaitu Kim Jong-un nihcun nawlnei lio mi, Workker,s Party an dirhnak camtuak voi 75 nak lawmhnak, kan hnu zarh, zarhteni ah kha an tuah i biachimnak a nei, an ram ralkap sinah lawmh biachim in an ram mipi sinah a cozah an riantuan ning cu ngaihthiam a hal hna. state television station nih Kim bichim lio cu a lak i, bia a chim lio ah hin Kim hi a thaw chuah a chia tiah an chim.

Thlichia nih zei mawzat a den hna i, micheu nih an ralkap an bawmhchanh nak hna le an ram chung i zawtnak kong le an cawlcangh nak cu Kim nih cun an Ralkap cungah lawmhnak bia a chim. Nort korea hi an ram ah pakhat hmanh a zaw mi an um lo caah ka lung a lawmtuk tiah a chim.

Zawtnak konghe pehtlaiin an ram cu thlichia nih a deng chinchap caah Kim nih cun mipi hmai ah, a poi a ti nak kong le an mipi an duh ning i an bawmh khawh hna lo nak kong ah a poi tuk tiah a chim. Cu ti a chim rualrual in an ram mipinih cun a mah ah an zumhnak an chiah i a thil tuah mi cu mipi nih thazang an pek tiah a chim.