North Korea A Chuah Tak Tu, Park Bia Chim Mi Nih Mi Pi Mitthli Luang Ter

Kum 13 a tling in North korea a chauh tak tu nihcun North Korea ram i lam ah mithi ruak a hmuh mi atam nak le khaubawk rawl hmanh  ei  khim ding tiang in an ei ding nei lo in, an rawl ttam nak kong cu mi pi sin ah a chim.

Yeonmi park nih cun an ram hruaitu pawl nih  an ram chungah tangka hmuih caa i an timh mi Nuclear tuahnak, ah an hotu pawl nih caan tam deuh an hman mi cu nawhchiat nak ruangah an ram hmunkip ah mikip ei ding nei lo in an um nak kong cu an chim. North Korean a chuatak i, Yalu rili kam ah an tang hnuah China ram an phan. A si nain van chiat ah an za tein, tlaih an tong i Mongalia lei ah an kal manh hlan ah tih nung sualpi nak zawng an tong.

Tu ahcun Park cu kum 26 a tling cang i New York Post ah, ” North Korea ah cun hawi komh a um lo i, rian tuan hawi lawng an um” tiin North Korea hotu Kim a hmuh ning cu a chim. Hi bantuk in kum 70 chung cu mi kut tang ah an rak kun nak caan hi a rau cang. UN nih North Korea ah ei ding ti rawl nei loin mibu 10 million tluk an um ruagah nikum ah khan ral ring nak a rak pek cang. An ram ahhin Corona virus zawtnak a nei mi hna cu an chim duh lo. sihmanhsehlaw Corona Virus ruangah hmailei caan ah an tangka hmuh nak hi a rawk kho mi a si.

Park nih cun, ” Mitam pi an thi na hmuh hna lai. Hi ban tuk cu North Korea ram lampi ah kan hmuh theu mi an si i, thil sawhsawh tluk men a si. Mumbai i sifak umnak zawng ka kal cang. Ramdang i rethei  an um nak hmun ram tampi ah ka kal tawn, si nain North Korea ban tuk lawmmam cu an si lo. North Korea ahcun ei-in ding nei lo in a thi mi an tam tuk, hihi cu a rampi nih harsat dingin an tuah hram mi a si” tiah a ti.

park hi a pi le a pate an thih hnu, a ngakchiat lio ah curcuk le khaubok ei dingin hramhram in fial ka rak si bal cang tiah a chim chap. “20 hrawng cu Nuclear ralthuam tuahnak ah rak hmang hna hlah sehlaw rawl ttam ruangah North Korea mipi hi an thi hnga lo ding, tu-ah cun ram hruaitu nih cun rawl ttam tuar ding an tuah hram mi” a si tiah a ti. Sianginn ca cawnnak ah ngakchia cu  Pu Kim te inn chung khar cu Pathian ban tuk in an tihzah ding an si tiin cawn piak an si, tiah Park nih cun a chim.

Park ngakchiat lio ahcun Kim jong-il hi rampi Supreme leader a si i a thih hlan te kum 2011 ahkhan a fapa Kim Jong-un sin ah ram uk nak nawl  cu apek. Park hi kum 13 mite a si lio ah $260 in zuar a rak a si i sunghno a nu he, a tlaih tu hna nih cun an it pi hna. Cu hlei ah an ram nu cheu khat nih cun inn lei tangka, an  kuat khawh nak dingah tiin an taksa cu an zuar tawn, tiah Park nih cun a chim.

Park cu a tleihtu hna sinah kum 2 chung an um hnuah a nu he an nunnak thap in Mongolia lei ahcun zam dingin timh tuah nak an nei i Gobi Desert lamlei panh in an zam khawh. Cun Park cu Seoul lei ah a zam i, cu hnu ah New York le Chicago ah a um. A sinain North Korea a chungkhat sahlawh rual chan pawl cu an rak tlaih dih hna. Park nih cun a chungkhat pawl cu an thah hna maw, North Korea thonginn ah dah an thlak hna ti hmanh thei loin lungfak ngai in a um. Human Rights Watch ah a langh ning ahcun, thonginn chungah nupa sualnak le hramhram in riantuan ter nak, hmun ahar tak tak mi zawng a um.

 49 total views,  3 views today

This function has been disabled for Chin 11 News.