NLD Zung Mei In An Khangh Piak Hna

Matayar NLD Zung A Kang Mandalay ramthen Matayar peng NLD party zung cu nizaan July 30 suimilam 12 hrawngah mei a kang tiah theih a si.

Zaan suimilam 12 hrawngah mi nih an khangh mi ah ruah khawh a si mi NLD zung a kang. Zan chuah ngahlo caan a si caah kan hmit kho lo.Zung chung ca le thilri vialte a kang dih.

Mei a kang mi hi zungpi a kang mi a si lo.A chung ca le party thantar le thilri hna lawng a kang.An khangh mi a si ti cu a fiang.Meithat pawl zong nih an rak hmit lo tiah Matayar peng khuami pakhat nih a chim.

A hlan te in pyusawthi pawl nih NLD party minung hna cu kan thah dih hna lai tiah an rak chimbal cang caah NLD zung hi pyusawthi pawl nih an khangh mi a si tiah khuami nihcun an ruah.#MPA

Relchap; Wanchung(ဝန္ျခဳံး) khua cu ralhrang rallokap le pyusawthi(ပ်ဴေစာထီး) hna nih mei in an khangh Magway ramthen,Poah peng thlanglei Wanchung(ဝန္ျခဳံး)khua cu nihin July 31,chunhnu suimilam 1:00 hrawng ah ralhrang rallokap phu hna le pyusawthi phu hna nih khua chaklei thok in mei in an khangh tiah thilsining hmutu khuami pakhat nih a chim.

“Poah khua thlanglei Wanchung (ဝန္ျခဳံး) khua ah ralhrang rallokap e pyusawthi phu hna cu ra in khua thlanglei ah thok in mei in an khangh ,chunhnu suimilam 1:30 hrawng ah mei in an khangh hi si”, tiah thilcang ning kong cu a hmutu khuami pakhat nih a chim.

Cu ka khua Wanchung (ဝန္ျခဳံး)pawngkam thlanglei cu PDF phu hna he atu le tu kahdohnak a chuahnak hmunhma a si i,nihin zong ah kahdohnak a can hnu ah, cu khua cu hramhram uknak latu ralhrang phu hna nih mei in an khangh hi si tiah khuami hna nih an chim.

“Wanchung (ဝန္ျခဳံး) khua ah ralhrang le pyusawthi phu hna cu hmunkhat ah i fonh in kaphnih kar ah kahdohnak a can hnu ah khua mei in an khangh hi a si” tiah khuami hna nih an chim tiah Khit Thit Media nih a langhter.TCP