NLD vs USDP+CNLD. Fiang Taktak In Langhter A Si Ko Cang Hih

NLD vs USDP+CNLD

(Nov8-2020)

USDP cu ralkap party asi. Zei ruang ah union rampi ralkap nih politic party an ser timi hi ruah i a fiang mi cu(1) A luancia mi can ah an sualnak kha taza cuai tthan khawh ding mi phunghrampi upadi a um kho lo ding (2)Democracy taktak a chuah kholo ding. (3)Kawlram nih vawlei tang vawlei cung a ngeih mi thisa hi ralkap nih dop peng kho ding. (4)Pensen an lak tik ah an lu nunnak caah tiah an dir mi a si.

CNLD hi ka zoh tik ah an policy maw a si hnga- An politic Khel zia hi independent lak ding mi khel bak a si. Kawl sal kan si ee Kawl tawh liah ee Kawl uico ee Kawl ci ee Kawl kut tang ee tiah a phunphun an zai. Union ramkhomh ah kan um hi sal kan si Kawl kut tang um Kawl tawh liah le Kawl uico ah kan i ruah ah cun federal kong coalin acozah kong le 2008 upadi rem kong hna chim a hau lo. Nov8 thimnak zong lut a hau lo. Independent tiah fiang lawhlawh in khel awk asi ko.

1990 CNLD zong a tu kum CNLD he an i lo ko. Thantlang ah khua lai ah jeep in kan vak i politic tlang ka au lio ah Kawl holh in ka au lai ka ti i ka hoi hna nih “Aih Kawl party an kan ti mi an tha a nuam deuh lai” tiah an ka thlo.1990 kum kha Chinram ah CNLD kha mp 3 maw an hmu.

Thlualam khua ah CNLD le Dr Hmu Thang te he kan i tawn. Thlualam khua mi nih hmunkhat te ah nan chim tti lai an ti. A hmunhma cu kan tlunnak inn in chak lei cho kai asi. Zan asi i kanmah jeep cu a mit a rawk caah CNLD le Dr te sin ah ka kal i “Keimah hi kan pu RalHmung (chin vuanci hlun)he kan si i nan motor kan i zul hram kho hnga maw kan motor a mit ai rawk “ka va ti. An nih nih “aih party dang pei nan si cu nan motor i cuang ko uh kan i sai lo an ka ti. Keimah nih “nanmah hi maw Chin miphun ka dawt tiah nan vak ve putar kum70 cung hmanh ah dawtnak nan ngei kho lo”tiah ka leh hna. Ram dawt ti mi cu thing le lung kha va dawt i minung cung ah dawtnak pel te hmanh ngei lo maw asi hnga tiah ka khuaruah a har.Kakum kum 20 lio ka si i ka thin hi a rak hung ngai. A tu hi sisehlaw ka nih a chuah ngai lai.

Politic phungchim cu Pu Ral Hmung a chim hmasa. Cun CNLD a vun chim. A tu kum bantuk bak Kawl party Kawl kut tang kan um Kawl sal kan si ti mi kha heeh tiah a chim. Biahal nak can ah keimah nih “ka u a tu kha ပြည်ထောင်စု ah kan um hi sal can a si na ti duh nak asi ko lo maw Pinlung hnatla nak minsen kan pu hna nih an rak thuh mi hi CNLD nih nan doh bantuk ah ka theih zia a si. Sal kan si nak le kan si lo nak ding ah nan policy van kan fiang piak rih kolaw” ka ti. A ka leh ding hrim a um lo i Dr HT te phu in lu bik asi mi nih “na leh thiam lo ah cun tthu ko tthu ko”a van ti. Vei pa nih cun “pinlung sachoh kong cu tangkhat tanghnih ah kan cawn mi a si ka thei ko” a van ti.Dr lei pa nih “tthuko tthu ko.” a van ti ah khan cu na ngam maw ti kha a si cang. Pu Ral Hmung nih a dir i nan ning zak lo maw. Dai uh. CNLD na bia chim mi hi thongtla phu na si. Na policy chim law federal kong chim law a za” a ti i an dai. Thinlung ah minung cung dawt nak ngei lo i vak sawsawh au khuang sawhsawh mp min te lawng dawt phaisa lawng dawt i politic khel vak hi cu kan ram hi hor chung an lut pi lai i cu hor chung ah cun “tthu ko tthu ko na ngam maw” kan i ti viar sual lai.

NLD mp a tlom deuh deuh ah cun ralkap le CNLD an i lawmh lai i Kawlram pi hi ralkap uk lei ah ai nai deuh nak lam asi. Chin ram hi CNLD nih a uk a hruai kho lai lo. Chinram a cozah ser ding ah NLD maw na duh USDP maw? Rakhaing ram cu 2015 ah party hme te an i fonh dih i mp tam cem an hmu ko. Rakhine state acozah zong an ser kho lo(2008 nih a phit)caah an mp pawl rian an ngei lo an um har lileng i a tu kum cu party an i cheu tthan dih cang.

Na mee kha a vaivuan pi ding mi party ah pek hrimhrim hlah.

Na thlaci kha vawlei tthatnak ah tuh ko. _ Hmurka in miphun ka dawt tiah au khuang i thinlung ah pakpalawng hna hi mee pek sual hlahuh. Na mee kha bochan awk tlak mi party ah sanh ko.Ralkap ukthan ka duh lo a ti mi vial te nihNLD ah mee kan pek lai. Ralkap uk than ka duh ko a ti mi nih CNLD mee an pek te lai. Mee na pek hlan ah khua ruah hmasa.A hlan U Nuh chan Democracy le a tu lio Suukyi chan democracy ai lo lo. State acozah ser nak ah coalintion(ညွန့်ပေါင်း)par i fonh ti mi a um kho lo. Kawlram pumpi a cozah ser ding ah cun a um kho i NLD nih nih a her a ti ah cun a hoikom party hna a sawm ko lai. 2015 ah NLD nih ညွန့်ပေါင်း hau lo bak a tei ko nain Shan party mp pakhat vuanci kan pek ko lai an rak ti. Shan party nih a hmasa ah ok tiah a lekhan ko nain ပယောဂ pakhatkhat ruang ah ai let tthan. Independent khel ttung lo i independent khel bantuk bia thlah hi cu kan caah san a tlai lo bak. Tha te in bia dawh te in kan um ah cun coalition a cozah asi lo hmanh ah NLD nih CNLD mp pakhat hna Chin vuanci tuan ter ve khawh asi.

Kawlram pumpi president tuan ding le vuanci minister tuan ding ah MP အမတ် va si theng hmanh a herh lo.

Chin ram cu NLD maw USDP maw kut chung ah a um hrimhrim cang mi a si. CNLD nih USDP doh lo in NLD peng an doh mi hi cu sii an din mi a um i maw hnuhma an i theih ti lo tiah ka ruah. Pyine dang hna nak in Suukyi nih a kan dawt deuh lio ah kanmah le kanmah lam kan i phit ah cun Pu Zaw Du bak kan si.

Catialtu: Salai Ni Lin

 230 total views,  1 views today

This function has been disabled for Chin 11 News.