NLD Upa Le Cozah Luban Mithang An Tlaih Dih Hna! Nain VP Van Thio An Tlai Lonak A Ruang!

(919) Chin Youths For Reformation  Jessi Pa Hi Tamada Ṭuan Ko Seh law A Ṭha Men Lai. NLD Upa le Cozah Luban Minthang vialte an tlaih dih hna. VP Jessi Pa an tlaih lo. Hihi Ralkap nih rian khinh an duh ruang ah asi lai tiah thawng pang a leng ngai ngai.

Hi bantuk laklawh caan le lakhruak caan ahhin, Thil hi kan duhlo bik mi le ningcang loin aathlen tawn. Ramkhel in zungzal phisin ding mi hna zong an sican tawn timi Tuanbia kan ngeih hna. Hakha Khualipi an tuah ah siseh, Kalay Myo in CHIN USIH (Chin Ramkulh zungpi) an ṭhial ah siseh, hi btk lakhruak caan (Hranhram in Anna lak can) ah asi kha kan hmuh khawh.

Ni Vung nih Uknak a lak hmasat tan ah Inn Hngak Cozah min in a uk. Cu lio ah Col. Van Kulh cu CHIN MI kan ai-awh ah BAWIPA nih a rak thlah kan ti khawh. Monywa ah Duh Ṭaing Hmuh a ṭuan lio asi. Hakha ah CHINRAM zungpi Ṭhial ding rian ai hmaithlak cawlh I amah thawng in Nihin Hakha Khualipi hi a umnak cu asi. Zunguk Son Khawh Lian te nih Inn aum lo tiah Hakha ah Ṭhial an duh lo. Col. Van Kulh nih Hakha ah Inn Ṭha bik bik hna kha man lo tein rak hlan hna u tiah Hakha Upa cu acah hna. Cuticun Zung rianṭuan tu cu Hakha an I ṭhial hna. Ni Vung nih a voi 2nk Uknak alak hlan thla (6) aaduh ah Pu Chia Ṭial Pa nih Hakha ah Chinram Khualipi zung, Ṭhutdan Cabuai le Cozah rianṭuan tu vialte a ṭhial ve hna. Ni Vung sin ah CHIN YEZA Vuanci nih a ṭhial tiah a ti salam caah biatak tein an I sik ti asi.

Ralkap Uk chan tho tho ah Pu Hung Ngai nih Gangaw lei kan ramri meng zeimawzat cu a va lak khawh. Tulio Mindat ram kha Kawlrawn Magway Ramṭhen ah an fawnh mi hi Bochuk Hung Ngai chan ah cun an ti khawh lo. Mindat mipi kha ramri a rak lawnh mi poah poah cu that hna ulaw, a hnu Buaibai nak cu Keimah nih ṭuanvo ka lak lai ati hna. Cucaah Bochuk Hung Ngai chan ah an ti khawh lo mi cu Mipi Cozah NLD chan tu ah Kawlrawn ah an khumh diam ai.

Ni Vung Nih uknak a lak cu a mah hmunhma angeih ti lo caah asi. Federal cu Zalonnak lak an duh caah asi tiah cu Federal cu puh in Uknak cu alak. Cucu pehthliahmah tein Kawl Uktu Luban kip nih an zumh (NLD le DASSK telin). Culio Federal an hrawk mi cu Nihin Ni tiang Nunnak le thisen tampi thap in dothlen nak kan tuah zong ah kan ti khawh ti lo. A lam bitte le awng – kua bitte a um chung tal ah Ramkhel in kan lut ve lai kan ti zong Ramkhel kan mitcaw le hnachet asi rih mi, Ramkhel kung cung hmin ah mit a deih rih lo mi CHIN MI nih kan theihthiam lo. Mi fapa bang in CHIN PARTY cu Cross tung ah kan khenh chih, Chin mipi lila le Rev & Dr Cheukhat nih.

Ni Vung nih Kum khat hnih te lawng Innhngak cozah kan si chung lai tiah Anna a lak ko nain, Kum 30 leng arau. Ralkap chan zong ah rampi Dindeih nak caah ṭuanvo kan lak chung lai an ti nain, kum 20 leng a rau ve. Tu zong Kum khat lawng Anna lak an ti ko nain, Time limit asi lai tiah ka zumh lo. Zeitintiah 2008 phunghrampi ning in le Burma codes & Burma Acts ning in Anna an lak ding pelte hman aa pehtlai lo caah asi.

Chin ram le Chin Miphun dirhkamtu le a konglam chimh ve ding caah, Ni Vung Chan ah Pu Van Kulh, Thang Sui Chan ah Pu Hung Ngai, Tin Sui Chan ah Pu Hung Ngai ṭhiam, NLD chan ah Jessi Pa, Min Aung Hlaing Chan ah CHIN mi an um ve ti lo. USDP nih TEINAK an hmuh lo caah Ralkap nih Uknak an lak. USDP Teinak hmuh ding ah thimhnak tuah nawlh a duh (Dr. Lian Hmung Sakhong vs Chinland Post Interview).

Karen cu Pado Ngin Mg aatel Bahu cozah ah. Chin ram uktu ah Dr. Hmuh Thang an thimh men lai ka ti nain asi ti lo. Dr. Hmuh Thang cu Ralkap nih thimh nak an tuah nawlh mi ah TEINAK hmuhco hnu lawng ah CM si aa timh rua tiah ka ruah. Ralkap nih thimhnak an tuah nawlh lai I USDP nih TEINAK ahmuh lo ahcun Anna mipi sinah a pek duh ngai ngai hnga maw? Ruah awk ngai ngai asi. Hakha Khualipi le LAICA a himbawm lotuk caan lio ah, Democracy phung ning tein dirhkam tu an um lo lio caan ah Uktu, Hruaitu le Luban kan herh ngai ko tiah ka ruah. Falam cu a khuahrum an ṭhawng deuh rua. Kan cheih bak hna lo. MAH chan ah CHIN Luzik an Falam in asi. Salai Lian Luai chang tu ah ka ti lai cu. MAH chan ah Chinram le CHIN MIPHUN dirhkamtu ding le khumzual tu ding ah Jessi pa hi Tamada ah thimh hna sehlaw ti hi asi.

2020 thimhnak tan ah Jessi pa an thimh ṭhannak Aruang bik hna cu: VP a si ṭhan lai ti le Bahu Vuanci asi lai tihi asi bik. Nain NLD nih pelte hmanh an pe ti lo. Hlutdaw in um sawh sawh kha asi diam ai. Annih cu Hlan chan Ralkap hlun le USDP arak si bal caah Ralkap he rianṭuan ṭi ding ah poimawh nak aum lem lo. Cun Chin mipi nih Federal kong, Tlukruan nak kong, Mah tein khuakhan Lairel nak kong, tbk kong va chimh phuan ding ah kan thimh mi asi lem lo. Cozah Luban sinak in CHINRAM le CHIN Miphun Dirhkam sehti hi asi bik. Cun anin cu Dr. Lian Hmung Sakhong le Pu Hrang Nawl te btk in Ramkheng kung cung hmin Ideology angeih tu zong asi lem fawn lo.

Mipi sin ah Uknak lak siloin NLD le Ralkap I theihthiam lo ruang ah, Power I zuam cawh ruangah asi mi Uknak lakchung nak asi caah, CHINRAM le CHIN CAA dirhkam le khumzual tu caah Jessi Pa hi Tamada cu cohlan ko sehlaw ti ka duh.

Ralkap nih Nawlngeihnak An Lakmi Kongah Dr. Lian Hmung Sakhong Interview (YouTube ah Laiholh in ngaih ding link https://youtu.be/OC96MBKOFbY)Feb 2, 2021🔥 တပ်မတော်မှ အာဏာသိမ်းသည့်ကိစ္စအပေါ် Dr. Lian Hmung Sakhong Interview ( Burmese in YouTube link https://youtu.be/MkhR70LRqX8 🔥 https://fb.watch/3qpTRATor3/ Credit: Saya Rung Kaw