NLD PAWL LIHCHIM TI HLAH UH, NAN MAH RUANGAH KULI PHURH KAN LUAT LOH

NLD Party an tling ruangah kuli phurh kan awl lo, 2010 i cozah thar a kai mi U Thine sein cozah nih kuli phurh le harsat nak chungin an kan chuah, lihchim in NLD cozah a tling ruangah  kuli phurh le har nak in kan luat tihi chim ti hlah uh lih sen a si.

NLD i chinram a tuah to ning cu nan theih ko cu teh, cu caah cun a voi 3 nak 2020 rampi election cu kan mah chin party CNLD ah vote thla dih hna sih law, kan i chir lo bik lai. Pu Zo Bawi nih cun CNLD nih cun zei phunghram hmanh an remh kho lai loh tiah a chim nain, an rem khawh zong, remh khawh lo zongah Chinmi kan i hlum a za cang i, cu caah cun tutan 2020 electian cu CNLD ah vote kan pek awk a si ko.

Pu Henry Van Thio nih chinram chim lo, pengtlang dang chim lo an mah khua a chuah nak khua hmanh, a thlei dan hna cu zapi thei si ko i, chim miphun caah ruah channak cu a tlawm ko. A chuahnak a khua mi hmanh a thlei dang mi cu, a kuttang riang tuan tu pawl nih cun zei tin dah din le fel tein cun rian cu an tuan khawh fom hnga.

Pu Zo Bawi siseh Chief Minister PU Lian Luai le Pu Sui Thio, hi hna pawl chinchin cu an tuah mi le an tuan mi hi nan theih ko cu teh, Chinmi phun cu zei ah an kan rel tunglo, ngaihchiat tertu leh lam an si hi, laimi kan lung a fim bak a hau ko cang.

A zei bantuk bia zong chinmi hi kan kamh hna sehlaw, zumh ngam ding zong an si ti lo, Hakha sifak le inn le lo nei lo hna ca hmanh ah zawn ruah nak a nei lo mi nih cun maw, chin ram cu an kan hruai nolh ko lai. Cu caah cun tutan a ra lai mi November thimnak ah cun i lung sak nak ah kan mah chin party CNLD ah vote thla hna usih law khawpi he khawte he kan caah a tha biak ko lai.Credit Ceupi

 204 total views,  1 views today

This function has been disabled for Chin 11 News.