NLD Party Lutlai Pakhat A Si Mi Cu SAC Ralhrang Nih Meithal In An Kah I A Thi

Magway ramthen,Salyin peng NLD party i peng riantlai chungtel pakhat si mi U Naing Lyin cu September 14, zinglei ah ralhrang phu hna nih meithal in an kah caah a nunnak a liam tiah theih a si.

 

U Naing Lyin cu an tlaih lio ah a lu ah meithal kuan in hliamh a si i, nizaan September 14, zaanlei sizung ah phakpi a si nain, a nunnak a liam tiah khuachung thawngzamhnak pakhat si mi Maylatt A Than thawngzamhnak nih an tial.

Ralhrang phu hna nih a umnak inn ah luhhnawh in meithal in an kah tlaih an timh i a zaam na in dawr an tuah nak pawng Nga Hlaing Dwin lam tonnak pawng ah an tlaih tiah theih a si.

Yesagyu peng NLD party chungtel pakhat nih peng rian ngei tu U Naing Lyin cu a umnak inn ah ralhrang phu hna le Salyin peng palik hna nih luhhnawh in an tlaih , an kah caah meithal kuan hliam nak in a nunnak a liam tiah a langhter.

U Naing Lyin cu 2020 kum, thimnak ah hlutdaw palai i rianngei tu pakhat dirhmun in rian tuan tu a si, Khin Paloe khua mee zung ah mee diklo a um tiah sualpuh in mee-zung -hmu tazacuai a tong mi a si.TCP