NLD Le USDP Party In MLA Or MP A Tling Mi Pawl Hna Cu Kawl Company Ah Rian An Tuan Lai

NLD le USDP hruaitu pawl hna minung cu Kawl an si. Kawl uk nak cu tlangcung mi vialte nih kan duh lo mi hna an si. Kan Chin miphun chungin NLD le USDP party in MLA or MP ai cuh ding mi pawl hna minung hna khi MLA or MP an tling a si ahcun ‘ NLD le USDP party nih a ngeih mi Policy tangah rian an tuan lai. An mah duh ning in Chinram le Chin miphun caah rian an tuan kho lai lo.

Zei he dah an i khat ti a si ahcun ” Kawl Company” pakhat ah rian va tuan men bantuk an si lai. Company ah rian tuan cu mah duh ning in um awk a tha lo. An mah le duh ning paoh in rian an tuan a si ahcun an ” Boss” lei nih nih rian an phuah colh ko hna lai. Cu caah mah le duh ningin rian a tuan khawh lo mi hna MLA or MP hna nih khin Chinram le Chin miphun caah zei bantuk rian le thanchonak hman an mah duh ning in an tuan kho lo ti cu a fiang ngai ngai.

Tahchunhnak ah Kawi Tum hi mi rum pakhat asi hnga ” amah pakhat lawng in a si lo hman ah a hawi le he zong ” Company” an dirh kho. Company hman a ngei kho mi minung nih ” Kawl nih an ngeih Company ah rian tuan ding in fial uh law a duh nenman lai lo. A ruang cu a mah tein company dirh in a kut tangah mi rian lut ter or tuan ter tu a duh deuh lai. A ruang cu amah tein company a dirh ahcun” Boss” a tuan kho.

Cu ve bantuk in CNLD in MLA or MP a tling mi hna minung tu hna nih cun Chinram le Chin miphun caah rian tampi an tuan kho lai. A ruang cu CNLD nih a ngeih mi policy tangah rian an tuan cang lai. Company ngeitu (Boss) an si cang. Mi kut tangah an um ti lai lo. CNLD nih a mah tein a dirh kho lo hman ah a zumh bik mi he hmunkhat ah an dirh ti thiam thiam lai caah (Boss) an si peng ko lai.

Company ngeihtu si maw na thiam deuh lai, mi kut tangah rian va tuan dah na thiam deuh lai. Mi kut tangah rian va tuan cu NLD le USDP policy tangah rian tuan ai thiam mi pawl hna khi an si. Company ngeihtu (Boss) cu CNLD policy ning tein rian tuan ai timh mi pawl hna hi an si.

Catialtu: Salai Bawi Hlei Hu 

 219 total views,  1 views today

This function has been disabled for Chin 11 News.