NLD Le An Biachimmi Hi Cu Van Le Vawlei Nakin Aa Hlat Deuh!

Hakha Hmun Thar Kong Ka Lungum
*************************************

Nizan nai (July thokka) ah Hakha innhmun thar samhmi le pohmi cazin thanh a si. Inn ngei lo sifaak innhlaang hna nih an poh tikah an lung aa lawm.Sihmanhsehlaw, innhmun man kong ah sifaak zapizaraan cu lungrethei in an um manh ṭhan hoi cang tiah theih a si.

Innhmun (laivuang) pakhat ah Ks. 100,000,000 (ting zakhat) tluk hrawng cozah nih an hauh ti a si. A ṭha deuhmi hmun cu a man a tam deuh chinchin ti a si.

A khuun (အခွန်?) caah cu tluk tangka tam cu maw a dih ko hnga? Zei bantuk ngunkhuai dah a si hnga? Eihmuarnak rumro cu maw a si rih ko hnga? A min ah sifaak caah tiah ti a si nain, sifaak caah ting zakhat (Kyat) hi a fawi hrimhrim lai lo. Mirum nih cozah an uknak hna a si sual hnga maw? Innhmun hi a min ah sifaak caah tinh a si nain a donghnak ah mirum caah a cang ṭhan khomi an si ko hnga.

Sifaak aiawh in a dir khomi le a dir ngammi Bu pakhatkhat nih tawlrel thiam phun hna a si hnga maw? Asiloah atu hauhmi inn man hi sifaak ca zong ah a za komi man cu dah a si ko hnga?

Cozah tlai liomi nih thimnak lai ah mi lunglaaknak ah an hman rua hlah maw tiah ti nalak ah hihi man fawi deuh tein pek khawh dingmi thil a si hrimhrim ti lo bia maw a si ko hnga?

Cozah dohkalh si loin thil sining hlathlai in sifaak hna caah zeital tuah khawhnak lam a sial khotu um awk ṭha phun hna a si hnga maw tiah ka lungum ka hun langh ve. Feeling Poor! Thong Za Tawng Australia 3 July 2020

 195 total views,  1 views today

This function has been disabled for Chin 11 News.