NLD Kan Riantuan Tu Pawl Le Lam Chawhnak JCB An I Tuai Chung Cu Kan Mitthli A Hur Kho Bel Lai Lo

NLD cozah a kai hnu in Eihmuar a tambik nak hi Chinram an ti i, hmundang State hmai khah ding hrim a si lo. An riantuan ningan van chim ah le a tha ngai mi cu a lo ko nain NLD cozah riantuan hram an thok bak in sifak pawl le zaran pawl cu kan lungfah a zual. Mah zawn ah hin an mah NLD cozah kha sual ka phaw lo, an dik loh ka ti lo, riantuan tu minung tukha ka chim duh mi a si.

Kawl rampi ah Vice President zong kan tuan ko, Chinram ah Chief minister zong kan mah Chinmi nih kan tuan ko nain, a lung fak bik mi hi kan mah Chin mi lila kan si ko. Falam peng ah Inn hmun sifak caah an samh i, an i cawk khawh dih. A man fawi khawhchung in an tuah piak hna caah a si. Hakha ah an van samh ve i, mirum bak lo nih cun i cawk khawh ding a si lo.

Tunai bak lawng ah Hakha le Thantlang cu voithum bak fak khawh chung in kan mual a pho hoi. Cucu kan riantuan tu hna fello le santlaih lo tuk rungah, Inn lo sifak pawl i kan i sak mi vialte cu, Theng nih a hrawh dih. kha lio a zoh tu hna kha a ngaihchia lo kan um lai lo dah. an i thawh than i Aithing nunnak caah kan hman mi an cu Seh hmangin an rial le an hlonh dih hoi.

Tutan ah Mai Sui Hlei Tial Thantlang ah luphum dingin a ruak an rak kuat le khua ci kan mui hnu ah Theng le minung pali nih a ruak an vui hoi. Chief minister zong zei hlei hlah, ka khat hmah an holh duh lo hi cu ngaih a chia bak ko.