NLD CU KAWL PARTY ASI HRIMHRIM TI A FIANGNAK PHUN (3)

BY Jacob R. Thang

NLD CU KAWL PARTY ASI HRIMHRIM TI A FIANGNAK PHUN (3)

=======================

(1) Pinni Taihpung:

NLD an sinak langtertu an thuam (dressing) PINNI TAIHPUNG hi Kawl thuam pakka te rori asi. Mirang an rak do lai, Kawl Nationalist (Our Bama Association) i an thuam asi. Kawl Nationalist an Hero “Thakhin Kodaw Maing” tla cu Pinni Taihpung a phoihawk dahlo anti. NLD an Uniform (thuam) Pinni Taihpung in miphun dang a huap thei lo. Kawl hmelsinhnak rori asi ko. Pinni Taihpung in Chinmi khal a huap ve ko nan ti sile ziang tițha.

(2) U-Tawng:

Miphun hmuahhmuah in kanmah le miphun Symbol (Identity) kan nei țheh. Chin in vakok, Shan cu Keidara le Mon cu Hinta tivekin etc. . kanmah le Miphun ih Identity kan nei hnai. Utawng cu Kawl miphun aiawhtu Kawl Identity asi. Kawl siangpahrang san in an aalan (Flag) ah siseh an tangka ah siseh Utawng zuk an rak cuangter mi asi. Mirang pennak san lai khal ah Kawl Flag le tangka ah Utawng an cuang ter. Utawng cu Kawl Miphun aiawhtu hmelsinhnak ciah asi. NLD Utawng zuk in Chin miphun in huap thei hrimhrim lo ruangah NLD cu Kawl Party asinak a lang tariai.

(3) NLD Baho (CEC)

NLD CEC cu member 21 in an form. CEC cu Party a hruaitu le a khaltu ansi. NLD CEC member 21 sungah Miphun dang an um lo. Chin khal kan um lo. Kawl miphun hlir ansi.

NLD CEC in policy an saui i NLD party cu an khal. Chin mi thuhla le Tlangparmi thuhla hrangah Kawl 21 cun Policy in suai sak. Mah miphun thuhla tawlreltu le simreltu kan um lo. Ziangah CEC 21 ah Chinmi pakhat te khal kan tal lo? Curuangah NLD cu Kawl Party ansi hrinhrim ko.

#NLD ah miphun kan kim ruangah NLD cu Miphun kim party Union party asi tiah tampi cun an rel ve nasa. Pahsahpala party khal kha miphun an kim nan Kawl Party asi ko.

Ralkap sung khal ah Miphun kim an um ko nan Kawl Ralkap kan ti thotho silo maw? NLD khal ah Miphun an kim ve ko nain Kawl Party ansi thotho ko. .Kan Cozah pi hmanh sikhaw Pithawngsu Cozah tiloin Kawl Cozah kan ti hnai hi teh!!!!(Pithawngsu cozah tiah ti theih a tha lonak ve cu Pithawngsu Vuanci ah Kawl lawngte ansi)

 

 70 total views,  1 views today

This function has been disabled for Chin 11 News.