NLD Cozah Nih Chinram Khrihfa Biakinn Saknak Ah Bawmhnak An Rak Pek Mi Pei A Tamtuk Hi

By Za Ukk Lal

Chin State i Pine Budget ah State Cozah nih Chin Ram Khrihfa pawl caah tiin Biakinn saknak ding ah Ks ting 4850 bawmhnak an pekmi ka hmuhcaah lunglawmh nak tam ngai ka rak langhter duh ve. Ka theih khawh tawk mi ah cun Cozah nih Khrihfa Biakinn saknak ding ah bawmhnak an pek ti mi thawng hi ka rak thei bal lo.

A hleice in 199 thokin 2010 tiang ah khan cun Ralkap uknak tangah kan rak um caah Khrihfa mi hna nih Biakinn sak a rak ngahlo lawng hmanh si loin Biakinn tampi zong an rak hrawh pinah tlangcung ah rak phun mi vailamtah tung pawl hna zong rak hrawh le phawi dih an rak si hna. Cun USDP chan 2010-2015 kum tiang zong ah khan Khrihfa mi hna nih Biakinn sak khawh nak ding ah permit pek kan rak si rih lo khah.

Asinain atu NLD chan 2015-2020 kum tiang ah hin Biakinn saknak ding ah nawlpel nak (permit) hal haulo tein Khrihfa mi hna nih Biakinn kan sak khawh lawnghmanh si loin Chin ramchung ah Biakinn saknak dingah tiin bawmhnak tangka zong tamngai an pek mi ka hmuh tikah ka lawm taktak. Pathian min zong ka thangthat tuk fawn.

 255 total views,  1 views today

This function has been disabled for Chin 11 News.