NLD Cozah Le USDP Cozah Nih Rampi Fimcawn Nak Le Ngandam Nak Caah An Hman Mi Tangka Cu Van Le Vawlei Tluk In Aa Dang

Hi tluk in kum 5 chung cozah an tlaih lio ah an tangka hmannak aa thlau tuk mi hi khuaruah har cu a si ve ko. NLD cozah nih kum 5 chung cozah an tlaih mi ah hi tluk in rampi tangka an hman ko nain zeitluk in dah fimcawn nak le ngandam nak ah Kawlram a dirhmun a si ti cu nan ruahdamh khawh cio mi a si ko lai.

NLD cozah le USDP cozah nih rampi caah an hmanmi phaisa hi zoh chih cio tuah uh, van le vawlei in a dang. NLD cozah nih fimthiamnak le ngamdamnak caah kum 5 chungah an hmanmi phaisa cu USDP chan nakin a let ti awk in a tam.

USDP cozah nih kum 5 chungah fimthiamnak caah billion 5047 an hman i, NLD cozah nih kum 5 chungah billion 12239 an hman.

USDP cozah nih kum 5 chungah ngandamnak caah billion 3127 billion lawng an hman. Asinain NLD cozah nih cun kum 5 chungah billion 6270 an hman. NLD cozah nih kum 5 chungah rampi caah phaisa a hmanmi cu USDP nak in a let deng in a tam.

Hi ti ning tein cun NLD nih kum 5 cozah an tlaih rih a si ah cun zeitluk indah rampi tangka an hman than rih lai I thathnem nak a ngei kho ngai hnga maw ti cu ruat cio ko hna usih. Kum 5 chung ah an tangka hmannak hi tha tein rak zoh ve ko.

Source: Salai Lairamthang’s FB

 202 total views,  1 views today

This function has been disabled for Chin 11 News.