NLD Cozah Bawmtu Dingah Chinchin PekThang Hi A Tlak Bik

Tutan kawlram thimnak cu zeidah a lawh lai tiah cuanh cio cu si. Chin mi ramdang khuasa tam deuh nih cun Chin party CNLD hi thazaang a pemi a tam bik tiah Online biaruahnak tete kan theih lengmang.

Tutan zong ramdang lei khuasa Salai Lairamthang nih Chin Chin Pekthang dirpi nak le vote pek sawmnak a van tuahmi cu a sunglawi taktak si. Salai lairamthang hi NLD a tanhtukmi a si nain tutan thimnak cu a minung zong nih a zoh pah ko ti cu a fiang ngai ko hih. A tanglei ah sawmnak a tuahmi cu:-

“CNLD party hi cozah cu an si kho lai Lo nain teinak thudan an hmuh ve ahcun panglong conference le political dialogue tuah tik ah an itel kho ve te lai. NCA lam in kan miphun nih kan covo kan co khawhnak dingah CNF le NLD cozah bawmtu dingah ChinChin PekThang hi a tlak bikmi a si.

NCA lamthluan in kan ram phunghrampi thlennak ah a hram thawk tein a telmi le hmuh theihnak tampi a ngei cangmi a si caah CNLD chung in thim dingah a tlak bikmi nusaltha a si tiah ka ruah. Cucaah nan ngeihchun thimfung rak thla cio uh”. ati. Credit: Salai Lairamthang