NLD Bawizik Pu Lian Luai Bantuk Chief Minister Kan Herh Lo, Chin Mipi A Dawtu Kan Herh

tukum zatnak chuah ka te i, ramkip nih lockdown a tuah le cangka in Mizoram Chief minister Pu Zo Ram Thang nih social media in mipi sinah thazaang pek nak le nan lungtethei hlah uh, a si khawh chung in kan cawlcang lai i, kan i bawmchan hna lai tiah bia a cah hna. mipi thinlung zong a dam i voitam pi cu hnemhnak kong le mipi sin ah biacah tete a chim peng i an mipi an i nuam deuh ngaingai.

Ka palh ka zum lo, Kan nih Chinram Chief minister cu mipi sin biacah chim lo, a kong theih ding hmanh a um lo. a thih le a nung hmanh kan hngal lo, mipi sin i biacah le lomhnak chim hmanh a thei lo, kha tluk i Hakha i Covid-19 ruang i buainak a chuah lio hmanh ah holh le hnemh lo in a thup. Mizoram Chief minister Pu Zo Ram thang a zaw mi an um bak in a si khawh chung in Social media chung in hnemh nak a chim colh i an thinlung a dam ngaingai.

Chinram Chief minister Pu Lian Luai Cu a hruh maw si, Chin mipi zei i a kan rello dah a si hnga, social media hman a thiam lo a si ah cun, Chinram midia pawl thawng ka thanh piak uh tiah a ti awk bak a si. Cu lawng si loin, Paletwah kan chin ram ah thihnak le ei awk nei lo an tap cuahmah lio ah khawika ah dah a thup hnga, a mah nih a hnemh nak kong le mipi nih kan zoh sawh hna awk a si lo tiah social media chung tal in ramdang chin mi sin ah a chim awk a si.

Chin Ram Chief minister hi chinmi phun kan tah lioah a lawm ding le duh poh a um awk a si hnga maw, hi caan a a riantuan chungah hin mipi sin ah biacah le mipi he neihniam te i a um kan thei bello, Riantuan a thiam lo bia maw a si hnga, mipi ai awh riantuan tu ka si tiah i thei sehlaw mah tihin a um hna lo, mipi ca riantuan lo in mipi caah bawi a tuan cucu a palh tuk nak a si. A tu tan i thimnak i a luh than hi cu a lungfim mi le khua a ruat mi nih cun an zoh lai i, an nih a chuak lai.

 114 total views,  1 views today

This function has been disabled for Chin 11 News.