NLD A Dirkamh Tu Le Thazaang A Petu Hna Caah Mah Cabia Hi Cu Celh Ding A Si Ve Hrim Lo

NLD le Parcel Nupi Cah Aa Khat.

1.  A Luan cia Kum 10 lio hrawng ah cun Ram dang kal hi a lar bik a si. Chin miphun cu Sifah Ram kan si caah Siang ca cawn le fim nak kawl hmasa nakin fa nu le cathiam le ca a duk taktak mi kha chihkhat te ah a ziam tthan kho mi Tangka in fa bu le zuar/pom an si hna.

2. Ram dang in Parcel in cah mi an si tikah Aho fa nu dah aa dawh ti kha i Hmui tinh bik mi cu a si. Chungkhar van ram or nuam or Khrihfa Chungkhar si le si lo kha an ruat lem lai lo dah. A mui aa dawh i a satal ko poah ahcun “OK” a si ko.

3. Chungkhar van ser taktak tikah cun Chungkhar ah ruahnak aa khat lo a tam, duh mi aa khy lo a tam, hmuh ning le a dang leng luang cang. Vawlei a tthang a ran tuk caah nu pawl zong an ruat nak a tlik a cak ve. Chin ram le Chin NUNGPHUNG a chia khaa tuk mi sin in luatnak lam ramdang pawl nih an tuah mi phung an theih khawh ve cang. Cu tikah naisai an duh ve ti lo. Covo hi a biapi bak ko. A sawhsawh a si hrimhrim lo. A TE nau mi zong a si dawn lo.

4. Boi nak a tam chin. Theihthiam nak le a um kho ti lo. Duh nak le i tlaihchan nak nih duh sak tete in an cawi thluamah fawn. Ti ngai nak a um ti lo. Hlan Chan Kan pi/pu Chan lio ah phungthluk bantuk in a um mi cu Nupi cum phung, darkhuang Cum phung an rak ti.
A sullam cu man ah darkhuang rak I manh ton a si. Cu dar Khuang cu an um har phon. ah siseh, an thinhun ah maw, an ai phuan can ah maw dar Khuang pi cu rak cum ton a si.

5. NLD zong hi Chin Miphun cheukhat nih Nupi parcel in cah bantuk a si ko rua. A si lo le NLD nih hin Chin miphun hi Nupi chun ah le nu tlai bantuk in tthit an kan tthit mi he ka tahchunh mi a si. Fa pa le nih ro co kho lo, covo pakhat hmanh zong ngei lo, lo lai chia le fa lai chia ti bantuk in Kawl nih hin an kan tuah ko rua.

A si lo le mi to or sin um men men ah kan si ko lo hlah maw ti ka ruah. A niam bik dirhmun le a fak bik dirhmun in chim ahcun sal(fial chuh fial cho) ah a ttha bak mi dirhmun kan si rua ti awk in kan um.

🗝Kala pawl nih Nepal pawl cu badur tiah an lawh ton hna. An inn le an lo tawh onh tertu ah an hman hna bantuk in Kanmah Chin mi zong hi Kawl pawl nih an za le an cawleng Khal tu men ah an kan hman ko ti hi mit hmuh kut tonh bak a si ko. A donghnak ah langhter ka duh mi cu parcel in cah mi Nupi le pasal cu Chungkhar ah 100% ah 60% percent hmanh hi Chungkhar nuam ah an ser kho lai ka zum lo.

Cu ve bantuk in NLD nih Chin ram cu a tthancho mi ram ah an ser duh lai lo. Tlangcung miphun nih an kan tei lai ti hi Kawl pawl le Vawlei pi nih a ttih mi nuclear bomb bantuk in an ttih lai.
Miphun dang nih tei a duh bak lo mi, miphun dang hmai ah va kun a duh bak ve lo mi le miphun dang zei a rel ve lomi Kawl pawl nih hin zeitik hmanh ah Chin miphun kan tthancho nak ding lam tuah pain in an kham lai I lai an rel lai ti cu nal profet bia phuan hmanh a tluk lai lo.
NLD hi Chin Miphun nih zungzal khua sak tti ding le Chungkhar dirh tti ding in parcel ah cah lo a ttha bik lai.

Parcel cu parcel a si ko. A cheu Chum hmanh a tling lo mi a si.

Kaalawm

Salai Joel

 174 total views,  1 views today

This function has been disabled for Chin 11 News.