Nizan Salai Lung Thli Tum Catial Mi Kong Ah Fiang Taktak In Lehnak A Tuah

Salai Lungthlitum hi voithum tiang nangmah he pehtlainak angeilomi ca na rak post cang.
kanpu pa phungthluk ah “na pu vazomhtaih hlah na taw akua lai” an ti anpu le an ni le azomtaihmi cu an chungkhar ah pum tlamtlinglo le thluak tlinglo in achuak mi an um pah ton.
Zeiruangah dah Hmawngtlang khuatawlam kongah aapehtlai lomi biafang na hman. Nangmah tluk in kan rumlo zongah nangmah nakin kan fim deuh dahkawh;(indirect)in nachim zongah (direct)in kan i fiang ko. Hi an buaipimi lam le ram kongah hin na Phaisa le na Vawlei pakhat tal aatel maw? Nangmah chawva in remh (cawh) ding asi maw?

Congthia+Hriphi+Vuangtu lam cu (Lanmakyi)silo in cozah lam asi. Na chuahhlan ah Hriphi ah ralkap sakhan aum caah Hriphi le cozah ibawmh in an remhmi lam asi. Cun Vuangtu ah an thial than caah Hriphi+Vuangtu lam cu cozah nih a cawh mi asi. Keimah pumpak tang 7 maw tangzeizatdah ka cing tilo ka rak kai lioah ka cawh bal ve. Cucu Congthia+ Zephei lam hna he tahchun ding asi lo. Phaisa tangka zongin tahchunnak lakding asi lo. Lam le sul cu athatbiknak in akal kha atha bikmi asi ko.

Ahodah hi lam kongah “remlo hnahchuahtu” na ti mi cu asi pumpak in raksawh tuah. Nang cu lamlei rian ngeitu zong na si lo,hi lam kongah ruahnak cheutu zong na si lo,hi lam kongah khua (Hmawngtlang)ngeitu zong na si lo. An pal ter duh ah cun atha chinchin,pal ter awk athatlo le buaiding asi lo.Laitlang ah Hmawngtlang long Cozah lam nih apialtakmi asi lo. Ahohmanh cozah he zong an buai bal lo. Aduhmi nih an fuh i aduh lomi nih an fuh lo asi ko.
Hi lam hi Khuapi karlak lam asi khuate alutmi lam asi lo Hakha+Than- tlang,Thantlang+Mitupi lam asi.

Zeiruangah dah Thantlang+Mitupi tiang khuate kip alut lo(na fiang cang ma). Hi lam hi Hmawngtlang alutlomi lam a rak si;riantuantu upa hna sinah an nawl hna i an luhtermi asi,Lam achiattuk caah Lamtthing te kha kan hmanthan lai an timi asi ko,cucu an palh maw? “Hmurkaa ttha (thlum)nih rallian atei an ti” kha, ahro in hro loin a nawl in nawl hna seh ca. Na zei hrihram he dah aatlaih i Hmawngtlang cu na dirhkamh peng hna.

Kanpu pa hna nih “Vawlei hang hi akhaa” an ti kha na hngalh ma? Na nu na pa le na khuami upa deuh kha va hal te hna,kanpu pa chan in Vawlei le Lori cuh ahmangmi cu an chan atawi an ti. Nangzong na ca postmi ah na rianlo le nangmah he aapehtlailomi na tial tikah akhaami Vawlei hang naa dolh suallai dahkawh: tu hnu in Pumpak(khuaram) buainak hna ah hin rak ithlak ti hlah law atha lai.

Credit: Pa Thawngle

 331 total views,  1 views today

This function has been disabled for Chin 11 News.