June 22 zanlei ah Yinmapin(ယင်းမာပင်) peng Ta Yaw Kyin (တရော်ကျင်း) khua ah PDF le ralhrang i kahnak a chuak tiah theih a si. PDF lei in pakhat a nunnak a liam pahnih hliam an tuar.
Ralhrang rallokap Ta Yaw Kyin ( တရော်ကျင်း) khua ah pahra an thi, Hmungzua( မုံရွာ) lei in rak bawm ding in a ra mi Banbuai(ဘန့်ဘွေး) khua pawngah bomb nih a puahhnawh hna i pakul an thi an dihlak ah sawmthum an si tiah PDF lei in chimnak nawl ngeitu nih a chim. Credit: TCP
Kawl Ralhrang thinphan hram aa thawk cang : Tuzing Manladay buainak cu Kawl Ralhrang thinphan hram a van i thawk pah cang. Khuapi chung cu caan zeimawzat a dai nain nihin cun buaihram a van i thawk than cang. Tuzing ah Mandalay ah PDF a thimi zong an um i, tlaih khih a tongmi zong an um.
Nihin buai hram a van i thawk bak in a kenkip loin Mandalay PDF bawmh dingin ca an van chuah cio cang. PDF (Pyin Oo Lwin) nih Mandalay MPDF he hmunkhat ah kahdohnak kan i tel ve lai tiah thawng an thanh! A fawinak in chim ahcun, Pyin Oo Lwin cu Mandalay bawmh dingin timhcia kan sicang tiah an langhter hi a si.
Cu lawng siloin Bago PDF nih Mandalay cu bawmhcolh/zuanhnawh a timh colh ve. Atu hi khuapi chungah kahnak hram an van thawk hi a si. PDF pawl hi caan zeimawzat raldoh/raltuk an cang hna i, hmun tam nawn ah an lim cang hna. Hi hna pawl an van i lim dih cun KHuapi chungah luh in Ralhrang le a minung pawl biatak tein doh an i tim cang.
Tutan Min Aung Hliang 0Uknak a firmi cu a hohmanh hnutolh an i tim ti lo. Cu caah a tutan ah Yangon khua chung zongah ralkap rian khinhmi khuabawi pa 8 zong a ho ti theih loin an thah cang hna. Cucaah a tu hi PDF pawl cawngcangh le thiltuahmi cu Min Aung Hlaing le a ralkap caah thinphan dailo bantuk a si cang tiah minung pakhat nih a langter hi a si.
Leave a Reply