Nizan Hakhathar CDF-Hakha Le Sac Ralkap i Kahnak Kong A Thawngpang Fiang!

Nizaan Hakhathar ah CDF-Hakha le SAC Ralkap an i Kap, SAC lei in a Tlawm Bik 4 an Thi
———
Nizaan sml. 11:20 hrawng ah Hakhathar lamton (၆လမ်းဆုံး) ah CDF-Hakha le SAC ralkap kahdohnak a um tthan i, SAC lei in a tlawm bik minung 4 an thi i a dang 10 leng hliamhma an pu, tiah CDF nih nihin zinglei ah thawng an thanh.

Hakhathar khuami hna zong nih nizaan sml. 11:30 hrawng le 12:00 hrawng ah bomb puah thawng le meithal kah thawngpang pawl kan theih, tiah The Chin Journal ah an chim.

US President Joe Biden nih ralzam 62500 lak ding in min a thut cang

Vawlei cung ramkip ah a ummi ralzam hna chung in tukum kumkhat caah US nih ralzam minung 62500 cu cohlan ding in President nih Joe Biden nih minthutnak a tuah cang.

Joe Biden nih khan President a rak u cuh lio ah khan cun US nih kum khat ah ralzam 125000 ka lak tiah a rak chim nain tukum caah 62500 lawng lak ding in a ti than.

A ruang cu Trump lio ah khan kum khat ah ralzam 15000 lawng a niam bik in rak lak a si. Kum 4 chung tlawmpal taktak in rak lak cangmi a si caah tukum a voikhat nak ahhin cun ralzam hi vial lawng hi kan lak rih lai i 2022 caah khin cun kum khat ralzam 125000 in kan lak te ko lai tiah President Joe Biden nihcun a chim. Ref: TCS

A tang ah thawngpang dang hun rel chap. Hakha khuapi chung hmun hnih ah Chinland Defence Force le Ralkap an i kap.

2021 May 3 Hakha khuapi chung Cawbuk gate le Hakhathar lamruk aa tonnak gate ah CDF-Hakha le Council hriamtlai phu voi hnih tiang an i kap i hma a pu mi le a thi mi an um le um lo theih a si rih lo.

Hi kong he pehtlai in CDF Hakha in tuanvo ngeitu pakhat nih, “May 3 lawng ah voi hnih kan i kap. A voi khatnak hi Cawbuk gate ah a si i cuka ah cun ralkap lei in hma a pu mi le a thi mi an um le um lo a fiang lo. Cun, zaan suimilaam 11:00 tluk ah Hakhathar lam ruk aa tonnak gate kan kah than.

Meithal zuun 100 leeng thlah a si. Kanmah CDF lei cu kan him dih. Zaan asi tikah Ralkap zeizat set kan hliamh hna kan fiang lo. Pa ngaruk cu a tlawm lei an thi lai kan zumh” tiah a chim.

Cawbuk gate hi May 2 zaanlei sang ahkhan CDF nih an kah i a tlawm bik ralkap minung 4 an thi tiah CDF Headquarter nih a thanh. The Hakha Post.