Nikki Haley Nih President Hlun Trump A Van Dirpi Ning Cu A Ral Tha Kho Tuk!

Nikki Haley- Donald Trump Hi Second Impeachment Tuah Ding Tlak In Sualnak A Ngei Lo:- US tuanbia UN palai ai fit bakmi Nikki Haley nih Democrats pawl cawlcangh ning le thil tuahning, nek an ngeih ning le an sualning a zoh hna ah a tthu sawsawh kho ti lo. A lung an tling lo tuk cang. Tutan Trump Second Impeachment tuah an timh mi kong zong ah a hnasen a tla lotuk i a van tthuat cang hna.

Former South Carolina Gov. Nikki Haley nih Democrats pawl nih, Donald Trump second impeachment tuah dingin an buaipi lenmi hi a herhlo tukmi a si. Hi tluk ram rian ttuan ding a tam lio ah hi bantuk thil tuah cu rian hlei a si. A sualnak zong Impeachment tuah tlak a si lo a ti. Republican National Committee (RNC) Trump’s post-election actions cawlcangh ning cu tuanbia chung ah a taang peng lai.

“President Trump post election si mi nih a cawlcangh ning kha a ropui lem lo. January 6 ah thilcang kha a ropui lo tukmi a si. Donald Trump hi impeachment tuah tlak dingin sualnak a tuahmi a um lo” tiin Fox News’s Laura Ingraham sinah impeachment tuah lo dingin vote thlak ding an chimh hna. “Democrats pawl cawlcangh ning hi impeachment kal phung zong a si lo, an thil kalpi an timhmi hi kalphung dik le mumal ngei zong a si lo” a ti.

“Anmah duhning paoh in boruak kalpi an timh, tu ahhin impeachment an ti tthan, ziah unity kan aupi an ti ttung, Trump cu Office a tthut ti lo hnu tiangin an hnahchuah i an nekneih peng rih. Dinhnak caan zong cu pe ve cang hna usih ca, amah pumpak itimhlamhnak caan zong cu pe ve hna usih ca! tiah ningzah Democrats pawl cu a tlaih hna.

“Hmalak kan itimh ahcun hma lak colh ding a si ko, Impeachment tuahnak nihhin unity a ser lo. Kan ram hi a rawk ter lehlam. President Trump hi bia a chim ah a bia a bultan ngaingai tawn. Zeimawcaan ahcun ngaih nuam lo zong a tampi, nain Republicans pawl nih lam dik zawh dingin kar kan hlan hmasa peng a hau” a ti. Credit: Voice Of Chin