Nikhat Hnu Nikhat In KNU Le KIA Cu An Cian Chin Lengmang Cang!

KNU ralkap lakah Cakei phu timi nih ralkap sakhan an lak! Nihin March 27,2021 ah Karen ralkap KNU lakah Special phu ah ruahmi Kawl ralkap nih an tih bikmi hna Cakei Tatmaha 5 nih Karen state Phapone peng an hmun chung ummi misual ralkap sakhan pakhat cu an lak than cang.

A nung in ralkap 8 an tlaih hna pin ah an hriamnam vialte an chuh rih hna. A thimi zong an um nain a zat theih si lo. Credit: Tluang Ceu Thang

KIA Kong Thawngpang Dang: KIA hi Israel bantuk in Pathian nih thawnnak a pek hna1 KIA nih kawl ralkap misual tamtuk an thah cang hna. An sakhan zong tampi an lak. Hriamnam an chuhmi hna hrim cu US $ millions tampi man si cang. Nizan nikhat lawng kawl ralkap hriam an chuhmi hna kha US dollar in 1 millions ($1000000) tluk si an ti. Motor 10 tluk phorh khim si.

Cu ti KIA kut in misual ralkap an tilh thluahmah cu ralkap an khuazing Tuluk nih an hmuh tikah an hnuzul misual ralkap pawl thih dih an sian hna lo caah nizan March 25.2021 ah Tuluk ram Shweli ah KIA ralbawi cheukhat cu Tuluk nih biaruahnak ngeih ding in a sawm hna.

KIA hruaitu cheukhat cu Tuluk he i ton dingah Shweli ah cun an kal tikah Tuluk lei nih cun ralkap na kahmi le na thahmi hi ngol. Na ngol lo cun Laiza lei in Tuluk ram na luh pimi thil vialte kan in phih dih lai an ti. Na business kan kham lai an ti. Sinain KIA nih Tuluk bia cu a cohlang lo. Ka duh cun ka thah thluahmah lai nanmah nawlpek zulh kan hau lo ti si. An mak KIA. .

KIA nih hin cunglei raltuknak Vanlong Jet fighter pahnih hrawng ngei hna sehlaw kawl ralkap hi cu an ci an hmih hna lai. An lungthin zok tikah Israel miphun bantuk an si. Pathian hrim nih a umpi hna. Ralkap nih heh tiah cung le tang in an kah sek hna nain KIA an him.

Rim nam khrihfa a kan hremtu le a kan that cuahmahmi ralkap thiamtu ah Pathian nih KIA hi a hman hna. Tampi ralkap an thahmi hna hi mipi nih teinak kan hmuhnak lam a kauhter. An lungthin le an ruahnak le raldoh ning uar an um taktak khi si. Atu zongah daih an i tim ti lo. Ralkap misual pawl cu hloh thluahmah an i tim cang.