Nikhat Chungah Hakha Nih A Tonmi Vanchiat Nak Hi Rak Zoh Ve Hmanh

Tuchun Hakha thawngpang theih cu lung a nuam lo hringhran. Nikhat chung ah vanchiatnak le ngaihchiat nak lawngte pehtlai tein voithum thiang ton a si. Hi kong ruah ah cun khuaruah har lo awk a tha hrimlo. Cu pathum thil a cang mi hna cu an Motor cangh sual nak ruang ah an nunnak a liam mi hna zong an um hi ngaihchia a si hrim ko e.

Zeiruang ahdah nikhat chung ah Hakha khuachung bakah hi bantuk vanchiat nak hi kan ton hnga ti ruah ah cun lungthin a nuam hrimhrim lo. Tuchun lawngte ah Hakha khuachung bakah a nunnak a liam mi hna mi pathum an si i Hakha khuachung cu khuacimui in kan um ko tiah chim khawh a si. Cu a nunnak an kan liamtak mi hna chungin bochan ngaingai mi Sayaci Thang Cem zong ai tal ve i a nih hi damlo in a um hnuah sii a din mi ai ziak lo caah hma bantuk in a rak chuak i nizan hrawng khan a hun zualhma deuh ngai i tuzing nazi 4: 00 (Myanmar Time) ah khan a nunnak a liam hi a si.

Cun tuzing thiamthiam nazi 10: 00 hrawng ah khan thing phur motor pakhat zong Hakha Thar le Hniarlawnthar karlak ah a tla i minung 2 an nunnak a liam rih hi a si. Motor accident nak ruangah a nunnak a liam mi hna pahnih hi Rual Tling Cung (kum 25) le Ram Tha Hmung (kum 21) an si tiah kan theih.

Tuchun 4/20/2020 ah Hakha khuachung i thil cang mi hna kong he pehtlai in Salai Tluangte nih a Facebook Timeline ah a rak tial mi cu a tanglei bantuk hin a si.

Tuchun Hakha Thawngpang cu theih an nuam lo tak

– Suimilaam 11:00AM ah motor cang sualnak in tlangval pahnih an nunnak a liam.

– Suimilaam 7:30PM tluk ah motor pakhat Kouhkun lam pial ah a cang sual than i Electric tung a pah (anmah cu hliam an tuar hraw lo.)

– Suimilaam 7:40PM tluk Amazon sianginn lam pial ah motor le cycle an i pah than.

Laknak: Salai TLuangteā€™s FB

 219 total views,  1 views today

This function has been disabled for Chin 11 News.