Tuni kan rampi huap in uico 133 an thi a si tin report um mi kan tarlang bet sal a si. Hliamtuar khal an tam zet tiah an tar bet
Mani sun ih report tel lo mi khal rel tel cih mi a si.
..Good News..
Kalay mino
Nikhat chungkahdohnak ah SAC ralhrang minung 133 an thah hna tiah theih a si. Hliamhma a tuar mi zong tampi an um chih. SAC ralhrang hi nikhat ah minung tampipi an thah hna i raltuknak ah a sungh lei lawngte an panh cang caah Vanlawng rumro an hmang cang.
Dawr Khar Ruang Ah Rak Tlaihmi Hna Cu An Thlah Cang Hna Nain Dawr Onnak Nawl An Pe Rih Hna Lo
=====================
January 11 lio ah SAC ralhrang nih Camp Victoria a kah duhlonak ca ah le ngaihchiatnak langhternak ca ah dawr khar a rak si. Dawr on ṭhanding in SAC ralhrang nih nawl an rak chuah nain micheu nih an rak ong lo.
Dawr a ong ṭhan lo mi pawl cu an dawr ah ca an benh piak hna i January 12 ah an auh hna, cun sakhan ah an hren hna. January 24 ah an dihlak in an chuah dih cang hna nain dawr onnak nawl an pe rih hna lo tiah theih a si.
Zei tik tiang dawr an khar piak hna lai ti a fiang rih lo.
Relchap>>>>Hakha Circle Council Cathanh!
Hakha Circle Council cu CDF – Hakha Council ṭhithruainak tang ah a um i, zatlang uknak circle pali hna lakah Hakha khuachung circle, zatlang uknak a si. 10 September 2021 ni ah, zatlang uknak rak ser mi cu pehzulh in Hakha Township People’s Conference tuah hnu ah ser a si i nihin caan tiang ah tazacuainak siseh, a dangdang zong tawlrel mi le tawlrel lio mi an um cang. Cucaah Hakha khuachung um mizapi nih a tanglei cachuah ning in nan kan zulh piak nak lai upatnak he kan in thanh hna.
1. Hmun le Vawlei Kong: CDF – Hakha Council nih, “1 February 2021, Min Aung Hlaing le a ralkap nih hramhram in uknak an lak hnu ah hmun le vawlei i cawk/zuarh lo ding,” in cathanh a rak chuah cia bantukin 1 February 2021 hnu ah hmun le vawlei i cawk/zuarh mi pohpoh cu dotla an si lo.
2. Dum/Lo Tuahnak Kong: Hakha khuachung siseh, a kiangkap siseh, dum le lo tuahnak hmun a tam. Dum le Lo a tuah mi nih mah le hmun ah i hak beh le i lak beh lo ding a si lai. Dohthlennak a dih tikah a herhning in zohfelnak tuah le rianṭuan a si ṭhan te lai.
3. Sianginn Kainak Kong: Dohthlen lio caan ah ralhrang uknak tang ah a um mi sianginn kai lo ding in cathanh rak chuah a si bantuk in ralhrang uknak tang a um mi sianginn ah sianginn a kai mi poh cu Hakha Circle Council zong nih a cohlang lo i dohthlennak a dih hnu zong ah pehzulh in hnon a si lai.
#Hakha_Circle_Council
Leave a Reply