Nikhat Ah Minung 29 Lengmang An I Thah Nak Thonginn Tihnung

El Salvador ram cu acozah nawl ngeitu pawl hna nih COVID-19 runven nak caah tiin thongtla pawl hna cu pik-paak tete in an chiah ve hna lo pinah thongtla chung in misual phukhat nih anmah le anmah pehtlai nak an ngeih khawh lo nak hnga ding caah tiin misual phu cu cawh hrup in thonginn chung ah an chiah ti hna.

El Salvador ram cu misual le lai-nawng an tamtuk ruang ah le misual phu (gangster group) pawl an tamtuk nak a si caah thong a tla mi hna pawl zong hi thonginn chung ah na mah le an phu cio in an um ah cun tihnung tuk an si tiah an ruah ruang ah cawh hrup in an chiah hna nak hi a si.

Cu ruang ah April 24 ni nikhat chung te ah thonginn chung ah thongtla minung 24 an i thah caah El Salvador President Nayib Bukele nikhat ah thongtla pawl cawlcangh nak caan tamtuk pek hna lo ding in thawngthanh nak zong a tuah. Cun April 26 ni nikhat chung ah thongtla minung 29 thah si than rih caah President Nayib Bukele nih cun misual phu chungtel a si mi paoh midang nak fakdeuh in zohkhanh hna ding ah nawl a chuah than.

Hi tluk in Covid-19 ruang ah ram mipi kan buai lio ah misual phu hna nih caan tha hmang in an duhduh in mi an thah mi hna le an thongtlak ti hawi an thah hna hi cu thil tha lo tuk a si tiah zong President Nayib Bukele nih cun a chim.

Ref: DVB

 177 total views,  1 views today

This function has been disabled for Chin 11 News.