Nihin September Ni 15 Chinram Thawngpangthar

Breaking News
Chin ramkulh, khuapi Hakha ah SAC ralkap Helicopter pakhat a phan ṭhan, tiah theih a si.

Tualchung mi pakhat nih, “Nihin September 15 zing sml 9:37 ah SAC ralkap Helicopter pakhat cu Hakha a phan i, rungtlang ah a ṭum hnuah a kir ṭhan colh,” tiah The Chin Post ah a chim.
Nizan September 14 zong ah Helicopter pakhat cu Hakha a rak phan i, nikhua a chiat ngai caah Hakha khuathar a phanh ah a ratnak lei in a kir ṭhan, tiah theih a si.

Nizan cu nikhua a chiat ngai caah a ṭum ngam lo i a si ṭheo lai. Hakha khuathar cung a phak ah a kir ṭhan colh. Nihin zing belte cu nikhua ṭhat caah a ra ṭhan i a si lai. Rungtlang ah a ṭum hnu zong ah a kir ṭhan colh, tiah tualchung mi pakhat nih cun a chim.

Relchap>>>>>Kawlram ah kum 18 in 25 kar pasal ngei lomi nungak cu ralkap nan tla dih lai tiah Min Aung Hliang te phu nih nawl an chuah.

Ralhrang Min Aung Hlaing te phu hi raltuknak hmun ah a thimi le hliamtuar mi an tamtuk cang. Ral an sung tuk cang. Ralkap thazang an zor tuk cang caah ralkap thar an kawl lengmang.

Kan hnu ah khan Kawl ralkap ah a lutmi cu phaisa ting 25 pek colh a si lai i thla khat ah voikhat peng in nan chungkhar sinah facang tun khat kan rak pek lai ti zong an rak chim lengmang.

Kawlram ah pa mino zong hi an um tuk ti lo. PDF ah an lut dih ngawt hna. An mah le an ramkulh pengtlang hriamtlai ah an um dih ngawt cang hna.

A tu Min Aung Hlaing te phu nih Kawlram chung ah a ummi kum 18 in 25 kar pasal a ngei lomi nungak poh cu ralkap ah nan lut dih lai tiah ca an hun chuah. Ralkap luhnak ding caah catang a hau lo. Rihzan Kg 45 nan tlin poh cun nan lut lai tiah an ti hna.

Min Aung Hlaing te phu nihhin ralkap thar a phunphun in an hman hna. Thongtla an tlaih mi hna zong an duh lo buin ralkap ah an luhter hna. Mipi an tlaih mi hna zong ralkap ah an luhter hna ti a si.

Cu pinah USDP party mino pawl zong kha ralkap tintan tlawmpal pek in meithal an pek hna i ral an tuk ter hna ti a si.

Ralhrang nih minung an i deih ti lo ruang ah ralkap nupi le pawl zong meithal pek an si dih cang. Sakhan cu a biapi in nu ralhrang nih an hngah cang. Raltuknak hmun ahhin Kawl ralhrang lei in nu zong an i tel tiah an chim. Pa an i daih ti lo ruang ah nu biatak tein an kawl cang ko hih.

Be the first to comment

Leave a Reply

Your email address will not be published.


*