Nihin Kahdohnak Ah PDF Le SAC Ralhrang An Thi Zat

Palaw Kahdohnak Ah Ralhrang Thimi Le PDF Nunnak Liammi!
=====
Tanintharyi ramtthen Palaw peng Tapu (တပို) khua pawngah SAC ralhrang le PDF karlak ah kahdohnak fakpi a chuak i ralhrang 2 an thi tualchung hriamtlai in minung pakhat nunnak a liam tiah Palaw-PDF nih nihin ah thanhca an chuah.

“January 2 zing suimilam 7:00 tluk ah Tapu khualei a rakkai mi ralhrang pawl cu tualchung hriamtlai phuthum fonh in an kah hna caah ralhrang 2 an thi, meithal pakhat le kuan bawm hna zong lakchih an si. Palaw KPDF in minung pakhat nunnak a liam” tiah theih a si.
#Source:Khit Thit Media

Relchap>>>>>Karen Ram Kahdohnak Ah PDF Minung 8 Nunnak Liam, Ralhrang 90 Leng An Thi!
=====
Karen ramkulh Kyainnseikgyi peng Taungsun kahdohnak ah SAC ralhrang 90 renglo an thi i PDF in minung 8 nunnak a liam tiah (Lion-battalion) in nawlngei pakhat nih a chim.

January 1 zing suimilam 4:00 tluk ah Taungsun (တောင်စွန်း) khua ummi SAC ralhrang le BGF thazaang 190 renglo nih hmun an khuarnak sakhan hna cu Bo Al Sae Wa hruainak in Lion-battalion, SOF, KNU/KNLA Battalion 16, AMGRY Drone phu, S.S.D.F Darone phu, Federal Wing Drone phu, AIMS Drone phu, A.U.R.S Bomb tlai phu hna fonh in an kahdoh hna caah BGF ralhrang sakhan 2 lak a si pin ah ralhrang 90 renglo an thi tiah theih a si.

“SAC ralhrang le BGF uico pawl cu Sniper in 23 kan kahthah hna i kahdohnak he cun ralhrang thimi dihlak fonh 90 renglo an si. SAC ralhrang nih Mi 35, Y 130 raltuknak vanlawng hna le, SU-30 Jet vanlawng hna hmangin voi 60 leng an kan kah. Tualchung hriamtlai Lion-Battalion in minung 2, SOF in minung 6 (an dihlak minung 😎 hna nih ramle miphun caah nunnak an pek tiah Lion-battalion in nawlngei pakhat nih Khit Thit Media ah a chimphuan.

Relchap>>>>Matupi-Paletwa Lam Kahdohnak Ah SAC Ralkap Pakhat A Thi, Pyubuai Ah SAC Ralkap Bomb Puahhnawh An Ton Caah 6 Hliamhma An Pu
===============+======+++++++==
Chin ramkulh, Matupi peng Matupi-Paletwa lam cung um Khah Mah Yah 304 SAC ralkap check gate kan kah caah SAC ralkap pakhat a thi, tiah CDF Matupi sinin theih a si.

Nizaan January 4 zaanlei sml 3:05 ah Matupi-Paletwa lam cung ah umhmun a khuarmi SAC ralkap pawl cu, CDF Matupi nih an kah hna caah SAC ralkap pakhat a thi i pakhat hliamhma a pu. CDF Matupi lei in a thimi le aa hliammi an um lo, tiah theih a si.

Mandalay ramṭhen, Pyubuai khua zalonnak lungphun ah humhimnak a lami SAC ralkap pawl cu bomb in kan puahhnawh hna, tiah Taikdaung PDF in ṭuanvo ngeitu pakhat nih a chim.

January 4 zinglei sml 3:36 ah Pyubuai khua zalonnak lungphun ah humhimnak a latu SAC ralkap pawl cu bomb puahhnawh an ton caah 6 hliamhma fak ngai an pu, tiah theih a si.

“Kawl Independence Day tuahnak ding ca ah humhimnak a latu SAC ralkap pawl cu, bomb in kan puahhnawh hna caah SAC ralkap 6 hliamhma fak ngai an pu. A thimi zat tu cu fiang in hngalh a si lo, tiah Taikdaung PDF in ṭuanvo ngeitu nih a chim.Crd… The Chin Post

Be the first to comment

Leave a Reply

Your email address will not be published.


*