Nihin Chun Hakha Thilcangmi Le Papui An Tlaihnak Video Tling Tein!

The Hakha Times CEO Papui an tlaihnak Video…. Hakha khuapi chungah nihin ahkhan ralkap motor pathum hrawng Kawl lei in an phan tiah The Hakha Post nih a chim. Cu ralkap pawl cu Palik thuam in an thuamhter hna.

Chun hnu deuh Carson Hall lei mipi aunak an tuahmi cu palik nih an kham hna caah Carson Thlan kiang Khuachung lei lam in mipi cu an ṭum. Siizung lam in an kai ṭhan i khuachung lei an chuah lai ah Palik nih an rak bawh hna caah mipi cu inn ah an ṭianter hna.

Papui le The Chin Journal cu inaih nawn in an um. The Chin Journal kha cu Palik nih an rat hnawh hna khan hnulei ah rang deuh in a zaam tak hna. Papui belte nihcun Palik cu live in a thlak pah hna i Palik nih an von phanh tikah, an tlaih.

Papui a tlaitu Palik thuam aa thuammi pawl khi Hakha palik si dawh an si lo. Ralkap a phan thar Palik thuam aa thuammi pawl cu si dawh an si. Papui lawng si loin adang pa pakhat le nu pakhat zong an tlaih chih hna tiah The Chinland Post nih an chim. Adang pa khat cu Khuathar Methodist Pastor Rev. Ngun Tum Lian (The HKA Post) si dawh, le an tlaihmi nu tu cu an hliah rih rua lo. Credit: Salai C Alexander Video Doh Duhmi Nih Hmet Ding!