
Nihin August 31 zaanlei sang suimilam 2:40 hrawngah MinAung Hlaing ralkap Helicopter cu Falam khuapi ah a ra i caaan sau a ruah hlan ah a kir than tiah theih a si. Mah kong ah hin hi helicopter a ratnak a ruang theih a si lo. Hriamnam maw a van chanh hna, a si lo ah zei herh ah dah a rak ra tihi fiang tein hngalh a si lo.
Tuzing ka August 31 thiamthiam ah Chinram kulh Tongzaang khuapi zongah Min Aung Hlaing ralhrang Helicopter hi a rak ra i zeidah a tuah i a rak phur timi cu hngalh a si lo. Mi tampi zumhnak ahcun ralthuam le ralkap nih an herh mi thil a van phurh hna i a si lai tiah zumh cio a si.
Relchap: Ralhrangbu Nih An Tlaihmu Muslim Khuabawi A Ruak In An Pek Hna Ralhrangbu nih August 29 zanlei ah an tlaih mi Rakhine ramkulh Mawngtaw peng Ushinkyah (ဦးရွည့္က်) Muslim khuabawi U Robi A-Lawng (kum 32) ruak cu tuzing ah ralhrangbu nih Mawngtaw mipi sii inn ah an rak chiah tiah khuabawi hna sin in theih a si.
Khuabawi pa hi Mawngtaw uknak zungah a kal lio ah ralhrangbu nih an tlaih mi a si. Ralhrangbu nih an tlaih mi Kyetyopin (ၾကက္ရိုးပင္) khuabawi le a hawile pa 2 zong atu tiang an thlah rih lo tiah theih a si.
Khuabawipa ruak hi rian ngeitu hna nih an zohfel tikah a taksa ah hliamhma an hmuh pin ah a lungah thau nih a thuam tiah Mawngtaw siizung uk Dr. Tar Nuu Kay Ti San nih Western News ah a chim.
Khuabawipa ruak hi sii inn ah chiah chung a si i,hi kong he pehtlaihin Mawngtaw pengkomh uktu U Nay Oo cu a hmanh lo ruangah pehtlaih khawh a si lo tiah Western News nih a tial.
Ref; WN;TCP
Leave a Reply