August 20-21 ah a cangmi Thantlang-Hakha karlak CDF-Thantlang le SAC ralhrang kahdohnak ah SAC ralhrang 5 hrawng an thi, tiah CDF nih thawngpang an chuah.
August 20 zaanlei hrawng in Thantlang he aa naihnak deuhnak hmun lei ah kahdohnak a chuak i August 21 zinglei zong ah pehzul in kahdohnak a um.
Atu ah cun SAC ralhrang tampi Thantlang khuachung ah an lut hna i, khuami nih lengchuah le umkal i ralrin ding in CDF nih ralrin peknak zong an tuah.
The Chin Journal
Relchap: Kawlin myo ah Ralhrang minung 5 an hriam he an zaam than tiah theih a si. Mah ralhrang minung 5 a zaam mi hna hi an hriamnam le an thilri tling he an zaam than tiah theih a si. Tuzarh chungah Min Aung Hlaing Ralhrang pawl a hmun kip in an zaam cang hna.Zaw Myo niang
Khuaruah har a si ko, Tuzarh chung lawng bak ah ralhrang a zaam mi hi minung tamtuk an si cang hna, nai ni thum chungah Min Aung Hlaing Ralkap azaam mi hi minung tamtuk an si cang.
Nizaan tih ni ah an zaam cang, a zaam mi pohpoh hi an hriam he an zaam hna, Nizaan zongah an zaam than, Nihin zingah vang lawng mawh ralkap minung tampi an zam than. Nihin thiamthiam ah ralkap minung 5 an zaam than.
Ralakp pawl zaam a duh mi hi an tamtuk lawmmam hna i min tian an i pe cang hna, kan sung lai ti an hngalh tuk caah ralkap an hriam he a zaam mi hna hi, a tam u cu PDF sinah an zaam dih hna an mah zong nih an thanh mi a si.
Relchap:Nizaan August 20 ah Sagaing ramthen Yinmapin, Myoma palek sakhan in hriamnam le phaisa he a zaam mi palek senthum pa chungle cu ralhrangbu nih an tlaih hna.
Ralhrangbu nih tlaih dingin hmun cheukhat cu biatak tein an hlathlai i, Zaw Min Win nu le pa pin ah a nupi le a fanu zong ralhrangbu nih an tlaih hna tiah theih a si.
Ye-tat-kyat-kyi Zaw Min Win nih Myoma palek sakhan in BA-63 pakhat, kuan 120, phaisa sing 940, ralhrangbu nih an tlaih mi coin 100 leng le case file hna he CDM a luh pi tiah theih a si.
Hriamnam, sui, tangka le document pawl a tlik pi ti a si.Amah nih a tlik pi mi a si le silo cu fiang tein theih a si lo.Amah hi an tlaih khawh lo ruangah a nu le pa, a nupi le fanu hna cu nizaan zaanlei ah ralhrangbu nih an tlaih hna.
Thil a zampi mi cheukhat cu July 10 ah Mungyua-Gangaw-Kalay lam mawtaw an cheknak in an tlaihpiak mi thil hna a si tiah theih a si.TCP
Leave a Reply