Nihin Ah Hakha NLD Party Pawl Nih Mipi Hmuh In An Thazaang An Langhter

Hakha Khua lipi ah NLD party pawl nih zeitluk in dah kan thazaang a thawng ti langhter nak an tuah i minung tampi cu an thazaang hi, mikip nih kan hmu hna seh ti an duh caah hi thil hi an tuah nak a si a si. Motor le motor cycle he vahchuah i a kenkip lo ah an thazaang cu mipi nih hmun khawh dingin an cawlcangh nak a si.

NLD party hi Ram pumpi chim loin kan mah Chinram hmanh ah mikip nih an tlin an zumh dih i, CNLD party le USDP party sin ah cun tamtuk in an thazaang a thawng tiah an chim peng. Tutan ah an thazaang mipi sin i an langhter hi mipi thinlung zei mazat cu an lak nolh lai i, an thawnnak chinchin si te ko lai dah.

Tukum thimnak ah teinak kan hmuh bak lai tiah NLD party candidate kan pa le nih an chim peng i, 2015 lio nak hmanh in teinak hi kan hmuh dueh lai tiah an chim. A tulio Chinram NLD party cawlcangh ning van zoh tikah teinak hi an hmuh taktak ko lai tihi zumh a um cio. CNLD party Mino le NLD Mino pawl hi a minung hrim in NLD hi tamdeuh dawh an si fawn. Mino cawlcangh nak le kuihrit nak a biapi tuk ve caah mitampi nih mino cawlcangh zong an zoh chih.