Nigeria Singer Minthang Taktak Pakhat Thih Dantat Nak An Pek

Nigeria ram chakei Kano pengkulh ah a um mi hlasak thiam minthang taktak pakhat cu Islam biaknak le Prophet Muhammad soisel nak in hla a tial mi le a sak mi ruang ah hri thlai in thah ding ah dantat nak le biachah nak an tuah piak.

Hri thlai in thih dantat nak an pek mi hi a min ah Yahaya Sharif-Aminu (kum 22) a si i kan hnu March thla chung ah khan WhatsApp hmang in hla pakhat a rak thlah mi ah biaknak soisel nak kong lawngte a si tiin sual an phawt caah Kano pengkulh Hausawa Filin Hockey hmunhma ah a um mi  Sharia biaceih zung nih biachah nak an tuah piak hi a si.

BIaceih zung nih sual an phawt mi kong ah Mr Sharif-Aminu nih hin zeihmanh el ding mi ka ngei lo tiah a chim. Cun biaceih bawi Khadi Aliyu Muhammad Kani nih cun Mr Sharif-Aminu nih hin ngaihthiam halnak a tuah khawh ko tiah a chim ve. Kano pengkulh hrawng hi Nigeria ram ah cun Muslim pawl an tam bik nak hmun zong a si caah Islam biaknak le hlanlio pupa phung in a nung mi an si hna.

1999 kum in thih dantat nak kong hi fehter a si hnuah tutan hi a voikhat nak bik thih dantat nak an pek hna hi a si tiah an langhter. Mr Sharif-Aminu cu hla a tial mi le a sak mi ruang ah caan zeimawzat chung cu a rak zam ve ko nain a tu ah cun an tlaih khawh cang i police nih an tlaih khawh cang tiah an langhter .

Source: Akon Thi;  BBC

 104 total views,  1 views today

This function has been disabled for Chin 11 News.