KNU- Phaan Peng Chung Nizan Zaanlei Ah KNLA Le Rallokap Kar Kahdohnak A Chuak; KNU- Tathung pengkomh, Phaan peng ,Takawngbu,Mipung khua pawng ah nizaan July 12,zaan suimilam 8 ah KNLA le rallokap kar kahdohnak a chuak, KNU- Doetathung(ဒူးသထူ) Tathung pengkomh nih cathanh an chuah.
KNLA Batalian 1 kuttang phu hna le rallokap phu kar kahdohnak suimilam 1 chung ah KNL lei in hliamtuar le nunnak liam an um lo tiah theih a si. Kahdohnak dihhnu zinglei ah Mipung khua in Wabutaw lamtonnak tiang rallokap phu hna nih lamzohtu/ralvengtu chia in zohfelnnak an tuah tiah theih a si.TCP
Thawngdang; Thai Nih Kawlram In A Thlithup Luhnak Lam An Phih Dih Kawlram le Thai ramri ah a thli in kal khawhnak lam vialte cu Thai nawlngeitu hna nih thlirhri in an kulh dih. An ramchung ah luh a tim mi hna zong an tlaih hna tiah Thai ram um mi Aid Alliance Committee for Myanmar Workers- AAC sin in theih a si.
Kawlram ah riantuan le pawcawmnak a har caah phungning si lemlo in Thai ram leiah riantuan ah a kal mi tampi an um.Hi hna pawl zong Thai palik nih an tlaih hna i thong ah an thlak hna.Thai immigration nih Kawlram mi hna cu cozah theihpinak lo in an ram chungah rak lut lo dingin thawng a thanh cang hna tiah theih a si.TCP
Leave a Reply