Ni 6 Chungah Laitlang Palek 100 leng Nih An Rian An Chuak Tak

D-Day Phuan Asi Hnu Zarhkhat Chung Ah Chinram Chung Palek le Ralkap 100 Tluk Nih CDM An Tuah; National Unity Government (NUD) nih September 7 i D-Day a phuan hnu in Chinram Chung ah CDM tuahmi Palek le ralkap an tamtuk tiah theih asi.

”D-Day thanh a si hnu zarhkhat a rauh ah Kan Chinram chung ah CDM tuahtu Palek le ralkap hi Minung 100 hualham an si i a tam deuh cu an pu hkun le simi SAC ralhrang doh ding in CDF ah an i fonh hna” tiah CDF i hruaitu simi Pakhat nihcun a chim. (A himnak caah min kan ttial lo).

Cu ti Chinram ah Palek CDM tuahmi an tam caah Mon ramkulh le Pego ramtthen ah Traffic Police ttuanmi 200 tluk cu Chinram ah Palek ttuan ding in kuat ding in nawl chuah a rak si.

Relchap: Myaung kadohnak ah SAC ralkap 2 le Dalaan 2 an thi, khuami minung 7 an thah hna .Myaung kadohnak ah SAC ralkap 2 le Dalaan 2 an thi, khuami minung 7 an thah hna.

Myaung Peng, Kyaukyit khua le Kupin khua September 10 lio kahdohnak ah SAC ralkap lei in minung 2 le lam hmuhsaktu Dalaan minung 2 an thi i khuami minung 7 ralkap nih an thah hna tiah Myaung Peng PDF nih an thanh.

I kahdohnak hi suimilaam 2 tluk a rau i PDF lei in minung pakhat thinphang a si lo mi hliam a tuar. SAC sin ah thawngpetu le Dalaan pakhat cu anmah SAC lei nih an palh hna i an kah hna tiah an langhter.SAC ralkap pawl nih PDF pawl bawmh kan duh hna tiin an uniform hruk loin an um i khuami an hlen hna hlei ah minung 5 an tlaih hna tiah an langhter.