Ni 5 Chungah PDF Nih SAC Ralhrang 70 Leng An Thah Hna

Gangaw peng ni 5 chung kahdohnak ah Min Aung Hlaing SAC ralhrang pawl minung 70 leng an thi i, PDF lei in nunnak a liam mi an dihlak minung 17 an tling ve cang. Gangaw kahnak hi a fak lawng si loin SAc ralhrang i Gawngaw mipi an tuahto ning hna cu a fak taktak inn lo tiang in an khangh piak hna. Gangaw peng mipi hi an tuar taktak ve. Cred..Soi Sung

Relchap: NUG nih ralthawh ding a thanh bak in Ralhrang chungah zaam a duh mi an tam tuk tiah theih a si i, ralkap zaam dingin min a pe mi an tamtuk caah an buai ngai tiah theih a si. NUG nih a thanh bak in ralkap zaam a duh mi mipi lei ttang an karh tuk tiah theih a si.

Ralkap in zaam a duh mi hna cu an tamtuk caah cazin tuah tu an buai ngai hna tiah theih a si. Ministry of Defence – National Unity Government of Myanmar he riantuan tu ပြည်သူ့ရင်ခွင် team i riantuantu le tuanvo ngeitu pakhat a simi Captain zero nih a chim. Ralkap zaam duh mi an tamtuk i dalaan tampi an um ko lai tiah tawlreltu pawl an lung a hring.

Rampum ralkap hi zaam a duh mi an tamtuk nain an chungkhar kong ruah ah zaam kho ding dirhmun ah an dir lo i an zaam ngam hna lo. Ralkap micheu lebang cu an ralkap chung sining pawl cu ပြည်သူ့ရင်ခွင် team he pehtlaihnak an nei peng tiah theih a si.

ပြည်သူ့ရင်ခွင် team cu ralbawi CDM luttu hna nih an dirh mi bu a si i NUG cozah zong he riantuan tti mi an si i NUG theihpi nak in ralkap zaam mi pawl a tawlrel cuahmah tu bu an si. Mah a kan pehtlai tu hna hi ralkap dalaan tampi zawng an um kho cu caah kan nih zong hi dothlennak caah hmalak dingin kan i ready tiah Camptain zero nih cun a ti.Falam online media