Kawlram chungah kahdohnak a zual hma chin lengmang i, hmunkip ah kahnak a chuak , khuapi ngan pipi zongah kahnak le bomb puahnak nak a tam ngai cang. PDF nih thawng an thanh mi hi a taktak in an tuah cang tiah media tampi nih an chim. Kawlram min thang pakhat a si mi catial thiam Pyan Si Lwin nih nizaan tihni le nihin lawngah ralhrang minung 300 leng an thi cang tiah a tial.
Tunai hrawng boruak zoh ahcun ral kan tho cang ti pin khi chim ding a um lo. ni chiar tiawk in hmun tampi ah an i kap i ralhrang a thimi hi nikhat hna ah 100 leng an kai cang. A tlawm bik nifatin ralhrang a thimi hi tunai hrawng cu minung 20-30 cu an si zungzal.
An mah ralhrang chung buainak hi an thuh caah fiang tein hngalh khawh dih a si lo nain , anmah chungah kahnak le i thah nak atampi a chuak. Ralhrang an bawi le an zum ti hna lo caah an kut tang minung nih meithal in an kah ko hna. Cun an mah le an mah chungah i kahnak a chuak lengmag cang. Mah kong ah hin ralhrang nihcun media nih lih le lih in thawng an zamh tiah an puh ve hna.
Kawlram chung khuapi pawl cu PDF nih mipi ralrinnak an pek cang hna, zeitik caan poh ah i kahnak le khuapi hi luhhnawh khawh an si cang i ralring tein um uh tiah an thanh hna. Cun mipi nih kan bawm uh, ralhrang umkal nak le an tuah mi cu a ran khawh chung in thawng nan kan thanh lai. Mipi nih nan kan bawmh i nan kan kil a si ahcun fawi tein khuapi pawl kan lak khawh lai tiah an thanh hna.
Leave a Reply