Ngun San Aung Le a Hawile Cu A Thar Bakin An Mualpho Ko Hi!

Ngun San Aung le A Hawile cu a thar in an mualpho than ko! Kan hnung march 16 2021 ah khan an hmanthlak cu mipi nih “Wanted” tiah an tar hna! Atu ah Chin Mino Bu nih fak taktakin an Phomh Than!

Ralkap misa Dr. Ngun Cung Lian le Ngun San Aung telh in Chinmi pali cu Chin miphun leirawitu le Chin miphunpi i kan ral an si, tiah Chin mino bu nih ca an chuah.
[Burmese]
စစ်ကောင်စီလက်ပါးစေ ချင်းတိုင်းရင်းသား ၄ ဦးကို အမျိုးသစ္စာဖောက်နှင့်မဟာရန်သူအဖြစ် ချင်းလူငယ်တွေသတ်မှတ်
The Chin Journal
March 31, Yangon

 

March 16 2021// Hakha Khuasa Ralkap Hnuzul Minung 4 cu “WANTED” timi Cattial he an Hmanthlak an Tar Hna
———

Uknak chuttu ralkap (SAC) he rian a ttuan ttimi Hakha khuasa minung 4 cu “Tlaih Ding” (WANTED) timi cattial he tu zan ah Hakha khuachung ah mizapi nih an hmanthlak an tar hna.

Min Cung Sang

The Chin Journal

March 16, Hakha

 

Relchap:

CDM caah fundraising a tuahmi vialte hna nih “Global CDM network” ah nan itel khawh cio ahcun a tha tuk lai. Khawika dah Phaisa kan kuat lai? Zeidah emergency in khuakhan a herh ti bantuk, information” ipeknak le ruahnak ipeknak ah kan pale nih an tuahmi a si.

Ram chung lei CDM cawlcanghnak hi biatak tein Ralkap nih an hlat cang hna caah, an caah riantuan a har chin lengmang. Cucaah, CDM Phaisa kuat zat le thawhzat zong tbk vialte kha zapi/ Public ah langhter ti loin, “Global CDM Network Tu” ah report pek cio a tha bik. Credit: Zasang Cinzah