Ngaihchiatnak Thawng: CNA Ralkap Pasaltha Salai” Van Uk Nawl” Nih Ram Le Miphun Caah A Ngeihchun Nunnak A Pek Ee

CNA Ralkap Salai Van Uk Nawl nih Ram le Miphun Caah A Nunnak A Pek
===========
CNA ralkap Salai Van Uk Nawl nih a dawtmi a miphun hawi le ram caah a ngeihchunh nunnak a pek tiah thawngtheih a si.

Relchap>>>>>>>Hakha Christian Minister’s Fellowship (HCMF) Nih Christmas Le Kumthar Puai Le Sathah In Donlo Ding In Thawng An Thanh!

Ral le rai ruang ah Hakha khuapi cu kum hnih chung Christmas le Kumthar tuah khawh a si ti lo nain tukum zong dohthlennak tuah cuahmah lio a si caah theihthiamnak te he tuah lo dingin HCMF nih thawngthanhnak an tuah.

Christmas le Kumthar cu puai tuah le sathah lo in Biakinn ah Pathian thangṭhat ṭi nak lawng in tuah ding le sangkip zong nih puai le sathahnak tuah lo ding in an thawngthanhnak ah an langh ter.

Ṭamhnak (Decoration) tuah tik zong ah Biakinn chung lawng ṭamh ding. Cun inn cio ṭamh tik zong ah inn chung te cio lawng in ṭamh ding tiah an langh ter chih.
An biachahnak faak piin ruah piakbu in le vuivai lo tein zulh cio ding in HCMF nih nawlnak ca an chuah.

Relchap>>>>>Ponnagyun Ah Ralhrang Hriamngan Kahnak In Minung Pakhat A Thi, Pakhat Hliam A Tuar
========================================
Sikpar[November] 11, 2022_CCN Channel
Rakhine ramṭhen Ponnagyun peng ah Nihin sikpar(11) zinglei ah ralhrang hna nih hriamngan an kah ṭhan caah De Par Yone (ဒီပါရုံ) khuami pakhat a a thi i minung pakhat hliam a tuar tiah Western News nih a langhter.

Ponna khua a ummi Ralhrang battalion 550 nih tuzing sml 8:00 hrawng ah hriamngan an kah hi a si. Hriamngan kuan nih De Par Yone khua in nichuah lei menghnih hrawng aa hlatnak leikuang ah a tla tiah khuami hna nih an chim.
Cu an kahmi hriamngan kuan khen ruangah leikuang ah a kalmi De Par Yone khuami pakhat a thi i minung pakhat cu hliam a tuar tiah min langhter a duhlomi khuami pakhat nih a chim.

“Hriamngan kuan nih a khenmi hna pahnih hi Caw le Na an va zoh nak ah a tlakmi hna a si. Caw le Na rawl an pek hna i an kir lei ah a si. Hmun dang veve ah a khen mi hna an si. An pahnih ning in khuami nih lak ding in timhtuah a si. Kan khua pawng ah hriamngan kuan hmun thum ah a tla. A dang pakhat cu para umnak(ဘုရားတောင်) tlanglei ah a tla” tiah a chim.
A thimi hi kum (39) a si i a lu ah kuan nih a khen. Pakhat hi kum (64) a si i a ke khatlei ah fakngai in hliam a tuar tiah khuami hna nih an chim.

Sikpar 10 zanlei zongah ralhrang hna cu Sin-inn-kyi (ဆင်အင်းကြီးရွာ) khua ah an lut. Pitar pakhat telh in minung (10) an thah hna i inn (7) an rak khangh.
Nizan ah ralhrang nih hmun an khuarnak Goe Taung(ကွမ်းတောင်), 550, Pa-da-leih(ပါဒလိပ်) hna in hriamngan, vanglawng le Drone hna in hriam an tlak ruangah siangngakchia (2) le tualchung mi (2) hliam an tuar. Hliam tuarmi minung(4) chungah tanghra kai liomi pakhat ahma fah caah Sittwe Sii-inn ah aa tlop tiah theih a si.
#CCNChannel
photo crd.

 

Be the first to comment

Leave a Reply

Your email address will not be published.


*