“NGAIHCHIATNAK AI PHUA” Lungthin A Fak Hrim Ko Mu

✍️ Indianapolis Chinmi nih pacan i an i ngeihmi pakhat Pu Thankio Hengcin (Thiang Ceu Pa) nih April 26 zinglei 3 hrawng ah mual a kan liam taak cang tiah thawng theih a si. #Pu Thankio hi hlasak thiam Pi Sung Tin Par i a nu ṭa (a pu) a si. A damlonak (cancer) hi sau ngai cang i sii inn zong ah voi tam ngai a um bal cang tiah theih a si.

🗣 Pu Thankio hi ram le miphun a daw i a tlaihchan taktak mi pa a si. CNF/CNA an rak dirkka zong ah upa rian a rak ṭuan cangmi a si. Mizoram khua kip ah a rak kal i ram le miphun rianṭuannak ah i tel cio ding in mi a rak sawm hna i minung tampi CNF/CNA ah a rak luhter hna.
🗣 Atulio COVID-19 zawtnak ruang ah a bu in pumhkhawmh nak tuah khap a si rih caah zapi nih a ruak hi thlah le vui awk a ṭhat lai lo caah a poi taktak. Pu Thsnkio cu mikip nih tlaihchan mi le upatmi a si. A ruak an thlah khawh lo ding hi an sia a herh tuk hringhran tiah theih a si.

++++

✍️ Battlecreek ummi Pu Zung Bawi ( Dr. Cung Lian Hup nau pa) zong nih April 25 zanlei ah ruah lo tuk in mual a kan liam taak tiah theih a si. Pu Zung Bawi hi zawtnak/damlonak a ngeih zong an hngal lo. A thi kai/san tuk ruang ah ruah lo tuk i a nunnak a dih hi si an zumh. A thluak ah thi a lut i lungfim lo in sii-inn ah an kalpi colh ko nain siibawite nih an chanh manh ti lo ti a si
🗣 Pu Zung Bawi nih hin a nupi, a fanu 2 le a fapa 1 a kal/roh taak hna. COVID-19 zawtnak ruang ah Battlecreek khua zong a bu in pumhkhawmhnak tuah khap a si ve rih caah Pu Zung Bawi ruak hi zapi nih thlah le vui awk ṭhat dawh a si lo tiah theih a si.

🗣🦠 Thihlohnak ton chinchap lio i zapi nih ruak hmanh i thlah/vui khawh lo ding hi cu a poi ko, ngaihchiatnak chiat hnih ton tluk a si. Ngaihchiatnaka tongmi chungkhar dihlak the Chin Voice nih nan ngaihchiatnak kan in hrawm pi hna. Parhian tu nih nan ngaihchiatnak in hnem sawh ko hna seh.

🙏🙏REST IN PEACE🙏🙏

Laknak: The Chin Voice

 159 total views,  1 views today

This function has been disabled for Chin 11 News.