Ngaih A Chia Tuk Ee: Kan Nih Nih Kan Nunnak Ngeihchun Kan Pek, Kan Mipi Hna Nih Hriamnam Le Zenkuan Kan Pe Ve Uh!

“Kan Nunnak Kan Pek Lai…… Mipi Nih Hriamnam le Zenkuan Kan Pe Ve Uh”(Ralram in a raktlung mi mipi ralkap hna Ann)
(“ကျနော်တို့ တိုက်ပွဲ မှာ အသက်ပေးပါ့မယ်…. ပြည်သူတွေ လက်နက် နဲ့ ကျည်ဆံ ဘဲ ပေးပါ” )
#Crd.

#photo crd – Chin Defense Force-Mindat(Palungtwi kahdohnak ah ralhrang pahnih a hril tu Sniper ralkap hna)
#CCNChannel

Relchap>>>>Ponnagyun Ah Ralhrang Hriamngan Kahnak In Minung Pakhat A Thi, Pakhat Hliam A Tuar
========================================
Sikpar[November] 11, 2022_CCN Channel
Rakhine ramṭhen Ponnagyun peng ah Nihin sikpar(11) zinglei ah ralhrang hna nih hriamngan an kah ṭhan caah De Par Yone (ဒီပါရုံ) khuami pakhat a a thi i minung pakhat hliam a tuar tiah Western News nih a langhter.

Ponna khua a ummi Ralhrang battalion 550 nih tuzing sml 8:00 hrawng ah hriamngan an kah hi a si. Hriamngan kuan nih De Par Yone khua in nichuah lei menghnih hrawng aa hlatnak leikuang ah a tla tiah khuami hna nih an chim.
Cu an kahmi hriamngan kuan khen ruangah leikuang ah a kalmi De Par Yone khuami pakhat a thi i minung pakhat cu hliam a tuar tiah min langhter a duhlomi khuami pakhat nih a chim.

“Hriamngan kuan nih a khenmi hna pahnih hi Caw le Na an va zoh nak ah a tlakmi hna a si. Caw le Na rawl an pek hna i an kir lei ah a si. Hmun dang veve ah a khen mi hna an si. An pahnih ning in khuami nih lak ding in timhtuah a si. Kan khua pawng ah hriamngan kuan hmun thum ah a tla. A dang pakhat cu para umnak(ဘုရားတောင်) tlanglei ah a tla” tiah a chim.
A thimi hi kum (39) a si i a lu ah kuan nih a khen. Pakhat hi kum (64) a si i a ke khatlei ah fakngai in hliam a tuar tiah khuami hna nih an chim.

Sikpar 10 zanlei zongah ralhrang hna cu Sin-inn-kyi (ဆင်အင်းကြီးရွာ) khua ah an lut. Pitar pakhat telh in minung (10) an thah hna i inn (7) an rak khangh.
Nizan ah ralhrang nih hmun an khuarnak Goe Taung(ကွမ်းတောင်), 550, Pa-da-leih(ပါဒလိပ်) hna in hriamngan, vanglawng le Drone hna in hriam an tlak ruangah siangngakchia (2) le tualchung mi (2) hliam an tuar. Hliam tuarmi minung(4) chungah tanghra kai liomi pakhat ahma fah caah Sittwe Sii-inn ah aa tlop tiah theih a si.
#CCNChannel
photo crd.

Be the first to comment

Leave a Reply

Your email address will not be published.


*