Ngaih A Chia Taktak Si: Russia Ralkap Nih Ukrain Pa An Thah I, A Nupi Cu A Fale Hmuh Hmai Ah An Tlaih Hrem

Russia ralkap zuri pawlin Ukraine pacang pakhat an kap that hnuah a fate ṭap rero kiangah a nupi cu an sualpi ciamco tin Ukraine lawyer Iryna Venediktova in a phuang. Russia ralkap pawlin Ukraine nunau pawl an pawngsual ṭheu, asinan midang cu an relsuak ngam hrih lo.

Iryna in, “Brovary khua ih um nunau cu a fahniang kiangah Russia ralkap pawlin an sualpi, a fate cu meithal in an tin. Nauhakte in a thilton hi a theihhngilh nawn lo ding, nauhakte ih thilton dingah cun a rapthlak tuk.

A hmin le an thuhla a cipciar cun kan tarlang lo ding, Russia ralkap pawlin pacang pakhat an kap that hnuah a ruak kiangah a nupi cu an sualpi, in ngaithiam aw. Nan thuhla hi ka relsuak a ṭul si, a fate kumkim hrih lo kiangah vei tampi an sualpi.

Ukraine ramsung ah Russia ralkap pawlin thil rapthlak zetzet an tuah, daiten kan um men zik lo. Midang tuahmawh tong pawl khal an thuhla an relsuak ngam tikah kan pholang vivo ding, Russia ralkap pawl ih thilsual tuahmi hi leitlun huap thuṭhentu in hremnak pe uh, an parah dinthluk lairelnak um seh” a ti.

Be the first to comment

Leave a Reply

Your email address will not be published.


*