Ngaih A Chia Taktak: Mizoram Ah Ralzam Mi Kan Lai Nu Pawl An Him Ti Lo Ee

Nai ah laitlang ah ka va tlung i u pah ahcun Tio kap khuaMizoram khuate ah ral a zam mi kan far le in ah ka tlun i cu ahcun ka farnu nih cun an him lonak kong a ka chimh i ka lung rawk ngai. Ka far taktak a si lo kapa far fa a si i ram buai ruangah an u fa rual in minung 5 mizoram ah an zam.

Zaan khat cu nazi hlei hnih hrawng ah inn ka an kingh leng mang i ka tho i ka va on cu inn chungah a rak lut i a lawi duh tilo. Ka mit le a ku tuk. ka fale le an i hngilh dih cang fawn i ka ttih tuk.

Na duh le it ko a ka ti i ka celh tilo i ka it. Ka ih tlawmpal ah kan ihnak lei ah a ra i ka pawng ah a rak it ve colh. Ka ttih tuk i ka tho i ph kaa chawn ter. A hodah na chawnh tiah a ka hal i kan pa ka ti aww a ka ti i. Ka pawng ah a rak thu than. Ka ttih tuk i ka tuar ti lo caah kan inn tang kan laimi ka call hna i an rak kai mah cun a lawi.

Voi 5 hrawng ih pi ding in a ka lem nain ka duh lo, pasal nei mi ka si kan leng hlah ka ti nain a duh lo. Keimah atuk midang tampi an um ve , kan i chawn tawn hna ah an tlaihhrem khawh mi zong an um leng cang.Inn dang ah kan i thial nain kan i thial bu zongah voi thum hrawng a kan pal. Ka ttih tuk caah khuadang ah kan i thial.

Zaan khat cu inn ka ka ong duh lo i kan inn cu chia tyuk kaw inn ka a hninh leng mang i a mah tein kan hrenh mi a ong i ka hngilh cang cu ahcun ka pawngah a it i theih hmanh hlah ning law ka au hnga i mual kan pho hnga.

Ka theih le cang ka in ka tho colh. ralit ko kan duh tuk le ka sinah hin a ka ti ka tihtuk i zaan khuadei ka it ngam ti lo. A zam nak khua le a min langhter a duh lo. a singing dihlak a ka chimh nain a tamtuk caah a tawinak in ka van tial colh. Mizoram ah a zam mi kan far le hi an him lotuk cang. Pumpak hrimhrim in kan i ralring a herh taktak. Crd… Pa Cung Mh

relchap>>>>>Hriamnam lak ah a kal mi Chin ralkap minung 80 hrawng cu lampi Sagaing ramtthen an phak ah SAC ralhrang nih vanlawng he an kah hna caah minung 7 an nunnak a liam tiah theih a si.

“Hriamnam a la mi Chin ralkap minung 80 cu ရင်ပေါင်တိုင် khua an um lio ah SAC ralkap nih an fuh hna i an kah hna caah an i hreng. Cu ti ai hreng mi chung ah minung 7 an nunnak a liam tiah Myanmar National Armed Force – MNAF in Bo Yaung Ni nih a chim.

“Nizaan ah vanlawng 4 he an kah hna, cu hnu ah a dang 2 he an rak kah tthan hna. ရင်ပေါင်တိုင် khua ah ai hreng mi Chin ralkap chung in minung 7 an thi tiah thawng kan theih. Cun an i ken mi hriamnam zong SAC ralhrang nih an chuh hna” tiah a chim.

Cun khuami minung 2 nu pakhat le pa pakhat zong SAC ralhrang nih an kahthah colh hna.

Tu ahcun Chin ralkap minung 80 lak ah minung 60 cu a himnak hmun an phan kho cang. Asinain a cheu cu an tlaih hna, cun hmundang ka dang ah a zaam mi zong an um tiah Bo Yaung Ni nih cun a chim.

Tutiang ah Chin ralkap phu aho hmanh nih Chin ralkap an thi timi kong ah zei hmanh chim phuan mi a um rih lo.

Ref; Myaelatt Athan

Be the first to comment

Leave a Reply

Your email address will not be published.


*