Nga Tlai Pawl Tilawng Le Khualtlawng Tilawng An I Tteih/Pah Nak Ruang Ah Minung 12 An Tlau

Nizan Sunday ah khan Philippine ram ah khual tlawng pawl an tilawng le nga tlai pawl an tilawng tteih/pah sual nak ruang ah minung 12 an tlau I nihin tiang ah an hmu kho rih hna lo lo tiah Philippine thawngzamh nih Tuzan June 29, 2020 ah khan thawngthanh nak an tuah.

Tilawng tteih/pah nak hmun hi Philippine ram chung Occidental Mindoro pengkhulh chung I nitlak lei rili ah a si tiah Inquirer.net le Rappler thawngzamh pawl nih cun an langhter ning a si I minung 12 an tlau tiah zong tuanvo ngeitu lei nih thawngthanh nak an tuah ning cu a si.

Inquirer.net nih an langhter ning ah cun khualtlawng tilawng hi Hong Kong in a rak ra mi a si, cun nga tlai pawl an tilawng zong hi an hmuh ko hna nain tilawng chung ah minung pakhat hmanh an um rua lo tiah an rak ruah. Cu ruang ah nga tlai pawl tilawng hi hrial lemlo in an rak tteih/pah hramhram mi a si ko tiah an langhter.

Nga tlai pawl tilawng chung ah hin a tlawmbik minung 12 cu an um tiah Philippine cozah lei nih thawngthanh nak zong an tuah. An dihlak hin an ruak zong an hmu kho rih hna lo hi a si.

Source: Akon Thi

 153 total views,  1 views today

This function has been disabled for Chin 11 News.