New Zealand Vuanci Thlahlawh (Salary) 20% Tthumh A Si Lai

Tulio pulrai zawtnak Coronavirus ruang ah chawleh nak lei ah fak ngai in harsat nak a tong mi hna New Zealand ram cu an ramchung vuanci chok le vuanci dang vialte hna zong thlaruk chung an thlahlawh (salary) hi 20% tthumh piak chung an si lai tiah New Zealand Prime Minister Jacinda Ardern nih April 15 ah thawngthanh nak a tuah hi a si.

New Zealand ram cu a luan cia zarhthum chung ah khan zeibantuk zung vialte an si zong ah, sianginn vialte hna le riantuan nak hmunhma a si mi paohpaoh cu rak phihkhar dih an si i vawlei cung ah a fakbik mi lockdown an rak tuah mi ruang ah ramchung phaisa lutchuak le chawleh nak faktuk in a rak hnorsuan hna.

Cun vawlei cung dihlak siseh New Zealand ramchung a si zong ah a tumchuk lio mi a si caah New Zealand ramchung ah rian ngei lo mi an tamtuk lai ti zong hi New Zealand acozah le ram hruaitu hna nih cun an rak hmuh chung cia mi a si ko. Hi kong he pehtlai in New Zealand Prime Minister Jacinda Ardern nih a chim mi cu “New Zealand ram chung ah faktuk in tumchuk nak kan ton cuahmah lio ah hin pulrai zawtnak a dohtu hna siibawi tampi hna le riantuan kho loin a um mi hna mipi nih income ah hmuh mi hi a tlawmtuk nak hnga lo le harsa tuk in an um nak hnga lo ding hi a biapi mi a si.

Cu ruang ah hruaitu kan si caah mipi caah a tha bik mi tiah kan ruah khawh mi cu acozah riantuan le ram hruaitu lutlai hna nih kan thlahlawh (salary) hi 20% kan tthumh a si ah cun mipi caah santlaih nak tampi a ngei lai tiah kan zumh hi a si” tiah a chim hi a si. New Zealand ramchung ah hin Covid-19 rungrul nih a phak mi hna hi minung 1,386 an si i cu chung ah a thi mi hi 9 an si tiah Reuter thawngzamh nih a langhter.

Ref: DVB

 180 total views,  2 views today

This function has been disabled for Chin 11 News.